Gjuha:
×
  • Lajme
  • Lajme

    A rrezikohet mbyllja e kufiijve pas rritjes së rasteve me covid- Deklarohen nga Qeveria e Kosovës

    FrontOnline
    2 vite më parë

    Situata epidemiologjike në vend ka ditë që e ka marrë teposhtzën.Vetëm gjatë 24 orëve të fundit, janë regjistruar 13 raste të vdekjeve dhe 963 raste të reja me koronavirus. Situatë e rënduar është edhe në Shqipëri e Maqedoninë e Veriut.

    Por, a do të ndikojë rritja e këtyre rasteve që këto shtete t’i mbyllin kufijtë sërish?Rastet pozitive me koronavirus janë rritur dukshëm gjatë javëve të fundit.Një prej arsyeve që ka ndikuar në shtimin e këtyre rasteve është edhe heqja e Kosovës nga lista e vendeve me rrezik të lartë dhe ardhja masive e mërgimtarëve.

    “Për më tepër, në rritjen e rasteve si duket ka ndikuar edhe heqja e Kosovës nga lista e vendeve me rrezik të lartë dhe ardhja masive e bashkë-atdhetarëve këtyre ditëve në Kosovë, nga vendet evropiane që këtyre ditëve po shënojnë gjithashtu ngritje të madhe të rasteve me Covid-19”, kishte deklaruar Ministri i Shëndetësisë, Armend Zemaj, menjëherë pas rritjes së shifrave të të prekurve.Madje, menjëherë ishte vendosur si kusht posedimi i një testi PCR-Negativ jo më i vjetër se 72 orë për shtetasit e vendeve me rrezik të lartë infektimi.Por, a ka gjasa që të mbyllen sërish kufijtë për të parandaluar përhapjen e kësaj sëmundje?Në Ministrinë e Shëndetësisë së Kosovës deklarojnë se s’ka ndonjë vendim për mbyllje të kufijve.Por, thonë se nëse ndërmirret një masë e tillë, do të publikohet paraprakisht që të njoftohen qytetarët.“Nuk ka ndonje vendim rreth mbylljes se kufijve. Çfarëdo mase që ndërmirret në varësi të situatës, publikohet paraprakisht me qëllim që qytetarët të njoftohen me kohë”, kanë deklaruar nga MSH-ja për Express.

    Me situatë të rënduar po përballet edhe Shqipëria.

    Por, as në këtë shtet duket se nuk po e shohin mbylljen e kufijve si zgjidhje.Sekretarja e Përgjithshme e Ministrisë së Shëndetësisë, Gelardina Prodani, ka thënë se po e ndjekin me vëmendje ecurinë e pandemisë në të gjitha vendet dhe se po marrin masa varësisht nga situata epidemiologjike.Bazuar në këtë situatë, Prodani thotë se ende nuk është diskutuar një kufizim i tillë.“Komiteti Teknik i Ekspertëve ndjek me vëmendje ecurinë e pandemisë në vend dhe të gjitha vendet e botës. Të gjitha masat e marra janë në përputhje me dinamikën e situatës epidemiologjike si dhe faktorëve që e ngadalësojnë përhapjen e virusit. Për sa më sipër, parasysh ecurinë e situatës në vend nuk është diskutuar ende kufizimi i mundshëm për mbylljen e kufijve”, thuhet në përgjigjet e Prodanit për Express.

    Gjendje e rënduar është edhe në Maqedoninë e Veriut.Megjithatë, as atje mbyllja e kufijve nuk është folur si opsion.Zëvëndësministri i Shëndetësisë, Ilir Hasani ka thënë se deri tash në Maqedoninë e Veriut nuk është diskutuar për mbyllje.Por, thotë se të hënën do të mblidhet komisioni dhe mbetet të shihet nëse do të përmendet apo vendoset për një opsion të tillë.“Nuk është diskutuar për mbyllje deri tani. Të hënën kemi komision, do e shohim dhe do vendosim”, ka thënë Hasani .Ndryshe, vetëm gjatë 24 orëve të fundit, Kosovës i janë shtuar 963 raste të reja me COVID-19.Me këto raste, numri i të infektuarve që nga fillimi i pandemisë ka arritur në 27 mijë e 851, me gjithsej 798 raste të vdekjes, të cilët kanë pasur edhe sëmundje të tjera shoqëruese.Aktualisht në gjithë vendin janë 10 mijë e 191 raste aktive me sëmundje.“Numri total i rasteve pozitive është 27.851 raste nga 115.794 persona të dyshimtë në virusin SARS-CoV-2 dhe 798 raste të vdekjes. Gjatë 24 orëve të fundit, janë shëruar 177 pacientë derisa numri i përgjithshëm i të shëruarve deri më sot është gjithsej 16.862 raste, kurse numri i rasteve aktive është 10.191”, thuhet në raportin e IKSHP’së.

    Për shkak të punimeve në rrjet në këto zona do ketë ndërprerje të energjisë
    Nga Rubrika
    Lajme25 Mars 2023
    Kryeministri i Kosovës ka përkujtuar tre aktivistët e vrarë të Kosovës më 24 dhe 25 mars në vitin 1999 nga forcat serbe....
    Kronika25 Mars 2023
    Një person është arrestuar të premten në fshatin Loxhë të Pejës, pasi dyshohet se ka kanosur dy zyrtarë të KEDS-it, të cilët...
    Lajme25 Mars 2023
    Një zjarr i madh e ka përfshirë një objekt në Pejë. Nuk dihet ende se cili ka qenë shkaku i këtij zjarri,...
    Të tjera
    Bota/Rajoni25 Mars 2023
    Një adoleshente, e cila u dogj e gjallë nga ish-partneri, dha frymën e fundit në spitalin ku po kurohej, pas pesë ditësh...
    Vip25 Mars 2023
    Vitin 2017, Luiz Ejlli dhe Rezarta Smaja morën pjesë në Festival me këngën ‘Ra një yll’ me tekst nga Agim Doçi. Ajo...
    Lajme25 Mars 2023
    Ikja e profesionistëve shëndetësor, inflacioni shumë i lartë e ndërprerja e investimeve kapitale, janë disa nga dështimet që i përmendin Partia Demokratike...
    Kronika25 Mars 2023
    Policia e Kosovës ka arrestuar një person, i cili kishte vjedhur 63 drita solare në lagjen Jusuf Gërvalla në Prishtinë. Rastin në...
    Kronika25 Mars 2023
    Një person është arrestuar pasi ishte i kërkuar nga Policia e Kosovës për ngacmim. Në raportin 24 orësh të policisë bëhet e...
    Kronika25 Mars 2023
    Një femër në Lipjan ka njoftuar në Polici së është sulmuar fizikisht nga bashkëshorti i saj. E, njëjta pas sulmit ka pranuar...

    FrontOnline, © 2023 Të gjitha të drejtat e rezervuara.