Hapja e bizneseve shqiptare në veri të vendit ishte pritur me një pompozitet të madh, madje e tillë ishte prezantuar para publikut edhe nga udhëheqësit më të lartë shtetëror, siç ishte vet kryeministri Kurti.
Kurti dhe politikanët tjerë teksa flisnin për hapjen e bizneseve e paraqisnin këtë moment si shtrirje e sovranitetit në atë pjesë.
Por njëri nga këto biznese, pompa e derivateve “Veda Petrol” në Mitrovicë të Veriut, saktësisht në rrugën “Mbreti Petar 1”, është mbyllur pak muaj pasi u hap më pompozitet.
Gazetari i Veriu.info ka qenë sot tek kjo pommpë e derivateve dhe ajo ishte e mbyllur e madje nuk shihej asnjë reklamë e saj.
Nga kjo kompani thanë se kjo pikë e “Veda Petrol” është mbyllur për shkak se nuk kishte punë pasi kjo pikë bojkotohej nga serbët.
Storien e mund ta shihni KËTU
Kujtojmë që kjo pikë e “Veda Petrol” ishte hapur vitin e kaluar pasi ishte mbyllur ajo paraprake nga AKP që funksiononte jashtëligjshëm.
Në një proces ofertimi publik këtë pikë e kishte fituar kompania “Veda Petrol” pasi kishte ofertuar me çmimin më të lartë prej 7 mijë e 111 euro.
Kjo kompani kishte marrë edhe dy pika tjera, në Leposaviq dhe në Zubin Potok, kurse dy pika tjera në shtatorin e vitit të kaluar i kishte marrë “LAB Oil SHPK”.
