Presidentit Hashim Thaçi i kanë mbetur maksimumi edhe 7 muaj deri në fund të mandatit.
E për figurën që do ta pasojë atë në këtë post do të vendosin prapë deputetët me votat e tyre.
Ideja, që kjo formë të anashkalohet e që i pari i shtetit të zgjedhet direkt me votate qytetarëve,mbetet e zbehtë.
Vullnet politik për këtë shprehin vetëm nga Aleanca Kosova e Re e BehgjetPacollit.
“AKR-ja ka qenë ndër partitë e para që ka propozuar diçka të tillë që presidenti të zgjedhet nga populli direkt. Është me legjitime, më mirë – eliminohen edhe pazaret politike”, u shpreh Vesel Makolli nga kjo parti.
Edhe në Aleancën për Ardhmërinë e Kosovës (AAK) nuk kanë thënë se janë kundër këtyre ndryshimeve Kushtetuese, por sipas tyre procedurat për një gjë të tillë marrin kohë.
Nënkryetarja e kësaj partie, Time Kadrijaj, thotë se është më mirë që presidenti të zgjidhet përmes Parlamentit.
“Ka qenë një iniciativë, por ka ngelur në mandatet e kaluara dhe nevojitet kohë për përgatitje dhe ndryshime kushtetuese për një temë të tillë, ndoshta është mirë të jetë edhe kështu, por ju e dini se çdo nismë votohet në Parlament dhe nëse nisma e caktuar merr shumicën e deputetëve normal që do të kaloj, por as ne si Aleancë nuk jemi kundër ndryshimeve”, tha ajo për Front Online.
Në Vetëvendosje janë kundër një nisme të tillë.
“Ne jemi republikë parlamentare. Presidenti duhet te zgjedhjet përmesParlamentit. Ne te kundërtënnësezgjedhet presidenti prej popullit duhet me ndrrukonstelacionin shteti të jetë Republikë gjysmë-presidenaciale apo presidenciale”, u shpreh për Front Onlinedeputeti Agon Batusha nga kjo parti.
E dy partitë e tjera, Lidhja Demokratike të Kosovës dhe Partia Demokratike e Kosovës nuk kanë ndonjë qëndrim, meqë thonë se këtë çështje nuk e kanë diskutuar asnjëherë në organet e tyre të partisë.
“Asnjëherë nuk është diskutuar në organet partiake kjo temë. Kur ta diskutojmë mund të japim përgjigje. Për momentin LDK-ja s`po merret me Presidentin”, u shpreh për Front Online deputetja ValentinaBunjaku nga Lidhja Demokratike e Kosovës.
“Parimisht nuk kemi qëndrim politik të Këshillit të Përgjithshëm. Nuk ka qenë asnjëherë temë e diskutimit”, tha për Front Onlinedeputeti i PDK-së, Ferat Shala.
Front Online ka provuar gjatë ditës të marr edhe një prononcim nga Nisma Socialdemokrate në lidhje me këtë temë, por ata nuk i janë përgjigjur interesimit të portalit.
Në anën tjetër, njohësi i Kushtetutës, Riza Smaka, thotë se baza ligjore që do të mundësonte zgjedhjen e Presidentit direkt nga populli mund të krijohet shpejt e lehtë.
“Kjo është e mundur pakurrfarë problemi. 61 vota kërkohen për votimin e amandamentit. Mund të zgjasë me së shumti 2 muaj, të niset procedura, të diskutohet në komisione, të del në Kuvend dhe të hyjë në fuqi”, u shpreh Smaka për Front Online.
Vetëm në këtë formë, sipas tij presidenti, kushdo qoftë ai, do të ishte i pavarur nga partitë politike.
