Cristiano Ronaldo është emri më i përmendur në mediat e huaja për afatin kalimtar të janarit i cili do të hapet vetëm disa ditë pas përfundimit të Kupës së Botës.
Ylli portugez është lojtar i lirë pas largimit nga Manchester Unitedit, për shkak të deklaratave të tij duke akuzuar klubin për tradhti, shkruan FrontOnline.
Pas Bayern Munichut, një tjetër klub i madh evropian ka refuzuar transferimin e 36-vjeçarit.
Është Paris Saint-Germain, presidenti i të cilës është pyetur rreth transferimit të mundshëm të Ronaldos.
“Të nënshkruash me Ronaldon? Tre lojtarët që kemi Messi, Neymar dhe Mbappe, është shumë e vështirë të mendosh për Ronaldon”, ka thënë Nasser Al Khelaifi për “Sky Sports”.
Raportohet se Ronaldo ka marrë një ofertë “stratosferike” nga Al Nassr, klub që bën gara në Arabinë Saudite./FrontOnline/