Gjykata Kushtetues në vendimin e plotë të publikuar dje, ka thënë se asnjë person që është i dënuar tre vitet e fundit s’mund të jetë kandidat për deputet, duke përfshirë këtu edhe liderin e Lëvizjes Vetëvendosje, Albin Kurti.
Lidhur me këtë çështje, njohësit e kushtetutës u deklaruan se Albin Kurti dhe disa deputet të tjerë të cilët ishin dënuar tre vitet e fundit nuk mund të kandidojnë për deputet.
Deputetja nga Lëvizja Vetëvendosje, Fitore Pacolli, ka bërë të ditur për Gazeta Blic, se gjatë ditës LVV-ja do të dalë me një qëndrim zyrtar në lidhje me kandidaturën e kreut të kësaj partie, Albin Kurtit.
“Po gjatë ditës së sotme ne si Lëvizje Vetëvendosje do të dalim me një qëndrim zyrtar sa i përket kësaj çështje”, ka thënë ajo.
Neni 71.1 i Kushtetutës, në ndërlidhje me nenin 29.1(q) të Ligjit për Zgjedhjet e Përgjithshme, përcakton se asnjë person nuk mund të jetë kandidat për deputet për zgjedhjet për Kuvend nëse është dënuar për vepër penale me vendim gjyqësor të formës së prerë në tri vitet e fundit.Ndryshe, Gjykata Kushtetuese e Kosovës dje ka bërë publike përmbledhjen e vendimit për “Vlerësim i kushtetutshmërisë së Vendimit të Kuvendit të Republikës së Kosovës nr. 07/V-014, të 3 qershorit 2020, për Zgjedhjen e Qeverisë së Republikës së Kosovës”.
Ky është vendimi i cili ka dërguar Kosovën në zgjedhje të jashtëzakonshme, përcjellë Gazeta Blic.Zgjedhjet në Kosovë u vendosën të mbahen me 14 Shkurt.
