×
  • Lajme
  • Lajme

    A do ta ngris Vuçiq çështjen e blerjes së IPKO-s nga Serbia më 4 shtator në Uashington?

    FrontOnline
    29 Gusht 2020

    Kosova dhe Serbia do të ulen edhe njëherë në tavolinën e dialogut, por kësaj radhe jo në Bruksel. Të premten e javës së ardhshme, më 4 shtator, delegacioni nga Prishtina dhe ai nga Beogradi do të takohen në Shtëpinë e Bardhë në Uashington në përpjekje për arritjen e një marrëveshjeje. Richard Grenell, emisar special i SHBA-ve në procesin e dialogut, ka bërë të qartë se do të synojë që përmes marrëveshjeve ekonomike mes Kosovës dhe Serbisë, të depërtojë në zgjidhjen e problemeve të njohura politike-historike mes dy vendeve.

    Ende askush në Kosovë, mirëpo as në Serbi, nuk i di çështjet që do të vendosen në tavolinën e diskutimit në Uashington. Ajo çka tashmë është e qartë, është se Richard Grenell, emisar special i presidentit amerikan për dialogun, tentativë kryesore do ta ketë që Kosova dhe Serbia të nënshkruajnë marrëveshje madhore ekonomike, përmes së cilës do sigurohej bashkëpunim i afërt i dy shteteve në këtë fushë, dhe si rrjedhojë do të kishte edhe eliminimin e problemeve politike, shkruan lajmi.net.

    Një agjendë e tillë e takimit tashmë veç se i është bërë e qartë Kosovës dhe Serbisë. Një marrëveshje gjithëpërfshirëse ekonomike e synuar më 4 shtator, do të nënkuptonte që Prishtina dhe Beogradi të vendosin në tavolinë edhe kërkesat e tyre, varësisht nga interesat që ndërlidhen me zhvillimin ekonomik respektiv, dhe rritjen e ndikimit në këtë fushë.

    Temë shumë e përfolur e ditëve të fundit, dhe me shumë gjasë çështje që do të përmendet në takimin e 4 shtatorit është edhe blerja e operatorit mobil “IPKO” nga Serbia. Operatori në fjalë tashmë ka vënë në shitje të gjitha aksionet e veta, dhe ndër blerësit potencial mund të jetë pikërisht shteti serb. Ky i fundit, përmes “Telekom Srbija” ka ofertuar plot 155 milionë euro për blerjen e IPKO-s, që paraqet ndër shumat më të majme të ofruara për arritjen e një marrëveshjeje për shitjen e këtij operatori.

    Shuma e ofertuar nga “Telekom Srbija”, është tregues se Serbia e ka me shumë seriozitet blerjen e operatorit me shtrirjen më të madhe të rrjetit 3g/4g në Kosovë. Sidoqoftë, vet raportet mes Kosovës dhe Serbisë, janë problematikë qenësore që aksionet e IPKO-s t’i kalojnë Telekomit të Serbisë përmes blerjes. Deri tani, një rrymë e fuqishme reagimesh nga akterë politik është vënë në kundërshtim të një marrëveshjeje të tillë.

    Pasë parasysh rrjedhën e takimit të 4 shtatorit, nuk do të përbënte aspak befasi, që Vuçiq në SHBA të kërkonte t’i hapej rrugë blerjes së IPKO-s nga Telekomi i Serbisë. Një kompromis i tillë, për Serbinë përveç përfitimit ekonomik, do të ishte fitore edhe në rrafshin e shtrirjes së ndikimit në territorin e Kosovës, duke kujtuar fuqinë e operatorit IPKO.

    Presidenti serb, Aleksander Vuçiq mund ta përdorë pikërisht takimin në Uashington, dhe “marrëveshjen e madhe” ekonomike mes dy shteteve për t’i eliminuar problemet që mund të paraqiten në Prishtinë për blerjen e IPKO-s. Natyrisht, në një treg të lirë, oferta, kërkesa dhe vendimi për shitjen ose blerjen e një aseti përcaktohet nga operatori ekonomik, mirëpo që në rastin e IPKO-s, ku të përfshirë si akterë janë Kosova dhe Serbia, rrethanat ndryshojnë.

    Sidoqoftë, elita politike udhëheqëse e Kosovës nuk ka paraqitur ndonjë qëndrim zyrtar, se si do të vepronte nëse një gjë e tillë do të kërkohej nga Vuçiq në Uashington, aq më pak nën “trysninë” e SHBA-ve, apo prezencës së mundshme të vet presidentit Trump atje.

    Partia Demokratike e Kosovës, është partia më e zëshme që ka dalë kundër një marrëveshjeje që do t’ia siguronte Serbisë aksionet e IPKO-s. Ky subjekt politik, vlerëson se nëse një gjë e tillë ndodhë, atëherë do të sigurohej seriozisht siguria nacionale. Përveç PDK-së, kundër blerjes potenciale të IPKO-s nga Serbia ka dalë edhe partia tjetër opozitare, Vetëvendosje.

    Takimit të 4 shtatorit, i paraprin dështimi i atij të 27 qershorit, pas zhvillimeve nga Prokuroria e Specializuar e Hagës dhe publikimit të aktakuzës të konsideruar politike kundër presidentit Thaçi dhe kreut të PDK-së, Kadri Veseli.

    Afër 6500 banorë të Shalës së Bajgorës përfitojnë nga rrjeti i ri
    Nga Rubrika
    Lajme19 Mars 2024
    Në lidhje me takimin që pritet të mbahet sot në Bruksel ka folur për Front Online, ish-kryenegociatorja dhe zëvendëskryeministrja e Kosovës, Edita...
    Lajme19 Mars 2024
    Presidenti serb, Aleksandar Vuçiq ka bërë së fundi një paralajmërim për Perëndimin, që sipas tij të zgjedhin mes Kosovës dhe Serbisë. Në...
    Lajme19 Mars 2024
    Sot në Bruksel do të zhvillohet takimi i radhës në kuadër të dialogut Kosovë-Serbi. Në këtë takim, thuhet se do të flitet...
    Të tjera
    Lajme18 Mars 2024
    Deputeti Fatmir Humolli, ka thënë se kryeministri i Kosovës, Albin Kurti, ka dështuar të krijojë një realitet të ri politik. Sipas tij,...
    Bota/Rajoni18 Mars 2024
    Sekretari i përgjithshëm i NATO-s, Jens Stoltenberg, tha se zgjedhjet presidenciale në Rusi nuk ishin “as të lira, e as të drejta”...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Bota/Rajoni18 Mars 2024
    Izraeli vrau një komandant të lartë të Hamasit në një sulm ajror javën e kaluar, tha Shtëpia e Bardhë të hënën. “Izraeli...
    Lajme18 Mars 2024
    Ambasadori amerikan në Kosovë, Jeffrey Hovenieri, sot e ka vizituar qytetin e dytë më të madh në vend, Prizrenin. “Vizitë shumë e...
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...

    FrontOnline, © 2024 Të gjitha të drejtat e rezervuara.