Rap-artisti i njohur shqiptar, Arkimed Lushaj – Stresi, është kthyer në një nga emrat në Big Brother VIP Kosova.
Ai së fundmi ka folur për sherrin që ka pasur me Noizyn, me të cilin nuk kishte folur për 11 vite.
I njëjti në një bisedë me banorët ka treguar se si nisi e gjithë kjo dhe se kishte hyrë në këtë mes për një person tjetër.
“Me e taku afër Zinin ke me e ndryshu 300 për qind mendimin. Na kanë gjykuar shumë në fillimet tona. Ne kemi hyrë për dikë tjetër në sherr, tani kur hyn për dikë tjetër. Sherri ka degraduar, edhe ishte koha ‘beef’-a ky tjetri iki unë mbeta në të”, tha ai.
“Edhe unë e kam pasur një parim shumë të fortë që përshembull ti me më fol keq për këtë menjëherë të uli poshtë. Jam rritur ndryshe dhe kështu nisi muzika”, tha në vazhdim 36-vjeçari.
Të njëjtit i dhanë fund polemikave gjatë këtij viti dhe Stresi ka qenë befasi për të performuar në koncertin e Noizyt, të cilin e mbajti në gusht.
