Sot është një ditë e bekuar për çiftin e njohur, Marina Vjollca dhe Getoar Selimi.

Më 24 nëntor të vitit të shkuar, ata u bënë prindër për herë të parë.

Dyshja mirëpritën vajzën e tyre, Marget, e cila sot mbush 1 vjeç.

Fillimisht ishte Geti, ai që bëri një urim publikisht për të bijën duke shkruar: “Jeta e Babës, kur erdhe në jetë ti, unë u linda për së dyti.

Tani kur shoh buzëqeshjen tende engjëllore dhe sytë e tu të bukur plot jetë, mbështesin besimin tim, se jeta ia vlen të jetohet me të gjitha pengesat që vijnë e shkojnë gjatë rrugës. Babi do jetë gjithmonë këtu për ty bija ime!

Gëzuar ditëlindjen e paç jetë të gjatë e të lumtun Engjelli im!”.

Ndërsa, pak minuta më parë, Marina ka publikuar disa foto ëngjëllore, ku shfaqet e veshur me të bardha, teksa mban në krah Margetin.

“Gëzuar ditëlindjen kuptimi i jetës sime. Urime ditëlindjen drita e syv të mi MARGET ”, ka shkruar ajo, duke marrë urime të shumta.