Meghan Markle ka fituar fazën e fundit të betejës së saj ligjore kundër botuesit të tabloidit Mail të dielën, raporton BBC.

Tabloidi në fjalë paditi për shkelje të privatësisë sepse publikuan një letër drejtuar babait të saj Thomas Markle. Avokatët e Dukeshës së Sussex thanë se letra e saj drejtuar babait të saj në 2018 ishte “shumë personale” dhe duhej të mbahej sekret.

Gjykata e apelit hodhi poshtë një përpjekje të Associated Newspapers, e cila boton Mail On Sunday, për të zhvilluar një gjyq për publikimin e pjesëve të letrës së Meghan që ajo i shkroi babait të saj.

Falë këtij vendimi, Meghan Markle nuk duhet të paraqitet në gjyq, ku si një nga dëshmitarët do të dilte edhe babai i saj Thomas Markle.

Një gjyqtar i Gjykatës së Lartë kishte vendosur tashmë në favor të Dukeshës në fillim të këtij viti në rastin e privatësisë dhe të drejtës së saj të autorit. Duke shpallur vendimin e tyre, tre gjyqtarët që morën parasysh ankesën thanë se përmbajtja e letrës ishte “personale, private dhe jo një çështje e interesit publik”.

“Kjo nuk është një fitore vetëm për mua, por për këdo që ka pasur ndonjëherë frikë të luftojë për atë që është e drejtë”, tha Markle. “Dëmi që ata kanë bërë dhe vazhdojnë të bëjnë është i madh”, shtoi ajo./FrontOnline/