Policia është njoftuar se në shkollën e fshatit Pozheran të Vitisë, mes datave 14 dhe 17.01.2021,  nga persona të panjohur janë  vjedhur katër (4) kompjuter portativ (laptop) në vlerë 2500 euro.

Policia e Kosovës, konkretisht njësitet e hetimeve nga Stacioni Policor Viti,  pas një pune operative dhe hetimore mirë të organizuar,  kanë arritur të lokalizojnë, identifikojnë  katër të dyshuar të cilët, më 10.02.2021 janë arrestuar nga ana e policisë.

Të dyshuarit janë intervistuar në prezencë të avokatit  mbrojtës.

Kompjuterët portativ janë konfiskuar nga ana e policisë në tre  lokacione të ndryshme, dhe i janë kthyer pronarit legjitim.

Me urdhër të prokurorit, dy të dyshuar viti i lindjes 2002, ndalohen në mbajtje për  48 orë, gjersa ndaj dy të dyshuarve tjerë rasti vazhdon në procedurë të rregullt./Front Online/