Kandidati i AKR-së për deputet të Kuvendit të Kosovës Islam Pacolli ka bërë një premtim astronomik.

Ai në një intervistë për Blicin tha se nëse bëhet deputet synon të procedojë një nismë në Kuvendin e Kosovës përmes të cilës do të përfitojnë nga 10 mijë euro gratë që lindin.

Gjatë vitit në Kosovë mesatarisht lindin 22 mijë foshnje.

Premtimi i Pacollit, i përkthyer në buxhet, kur llogaritet me këtë numër të lindjeve del të jetë goxha i kushtueshëm.

Shteti, kësisoji, duhet të ndajë nga kuleta e tij 220 milionë euro në vit apo 10 % të buxhetit të përgjithshëm të tij vjetor vetëm për gratë që lindin.