Zoran Gojkoviq, sekretar për shëndetësi në Serbi, ka bërë të ditur se presin që javën tjetër të arrijë kontingjenti i parë nga kompania “Phizer” me vaksina kundër COVID-19.
Këto vaksina, siç ka thënë ai, do të dërgohen për analiza edhe në laboratorët serbe dhe më pas fillon vaksinimi i qytetarëve.
Sipas tij, përpos këtyre vaksinave, Serbia do të furnizohet edhe nga prodhues tjerë.
Derisa kontingjenti i parë me vaksina në Serbi pritet të arrijë javën tjetër, ministri i Shëndetësisë i Kosovës, Armend Zemaj, ka bërë të ditur sot se furnizimi me vaksina kundër COVID-19 do të ndodhë në tre mujorin e parë të vitit 2021.
/Front Online/
