Ushtruesja e detyrës së Presidentes së Republikës së Kosovës, Vjosa Osmani-Sadriu, gjatë ditës së nesërme do të vizitojë Shqipërinë.
Me këtë rast, Osmani do të ketë një sërë takimesh me krerët e vendit.
Fillimisht do të pritet me ceremoni shtetërore nga presidenti Ilir Meta, ku më pas do të zhvillojë takim dhe në fund do kenë konferencë të përbashkët për media.
Ajo, do të takohet edhe me Kryetarin e Kuvendit të Republikës së Shqipërisë, Gramoz Ruçi, me kryeministrin Edi Rama. Gjithashtu do të takohet edhe me kryetarin e PD-së, Lulzim Basha, dhe ish-presidentin Sali Berisha.
Tanimë janë bërë të gjitha përgatitjet për këtë vizitë, me ç’rast në bulevardin “Dëshmorët e Kombit” në Tiranë janë vendosur flamujt e Kosovës dhe Shqipërisë si dhe janë bërë të gjitha përgatitjet e nevojshme për pritjen e u.d presidentes Vjosa Osmani./FrontOnline/