Policia e Kosovës  mëngjesin e së dielës u sulmua nga grupe kriminale në Banjskë të Zveçanit, ku një polic u vra, një u plagos dhe dy u lënduan.

Këtë qytetarët e Prishtinës e kanë parë si një sulm të organizuar nga Serbia. Ata gjithashtu shprehën ngushëllime për policin e vrarë, Afrim Bunjaku.

Ismet Gashi, tha se sulmuesit u përkrahën në mënyrë të qartë nga Beogradi, por që Poicia ëhstë treguat tejet efikase.

“Ky ishte një sulm terrorist i organizuar, por skenari i Beogradit dështoi, pasi që ne e humbëm një dëshmor i cili do të kujtohet përjetësisht, do të jetë si një gurë në themelin e shtetit të Kosovës, Policia jonë ishte mjaftë efikase dhe arriti t’i çmontoj këta terroristë të cilët përkrahën në mënyrë të qartë prej Beogradit dhe se kryeskenaristit Vuçiq i cili vazhdon të njëjtën politikë që e ka msuar prej Shershelit dhe i ka shërbyer Millosheviqit” tha ai.

Edhe Behxhet Mustafa, u shpreh se shkak për këtë  sulm është Serbia.

“Kur te ke dreqin kojshi qeshtu e ki, InshAllah shkapërderdhmi me ta një herë e përgjithmonë”.

Aziz Berisha, tha se Policia e Kosovës veproi me profesionalizëm, guxim dhe patriotizëm dhe se ky sulm cenoi integritetin territorial të Kosovës.

“Serbia dje ka cenuar integritetin territorial dhe sovranitetin e rendin kushtetuese të Kosovës, mu për këtë në mënyrë adekuate dhe me profesionalizëm shumë të lartë, policia e Kosovës iu përgjigj dhe atë që e merituan e gjetën nga Policia e Kosovës”.

“Më vjen keq për të ndjerin, policin tanë i cili e humbi jetën, është dhimbje e madhe, humbje për Kosovën, iu shprehi ngushëllime familjes dhe të gjithë kolegëve të tij, polic të Kosovës, njëkohësisht i përgëzoj kolegët e të ndjerit për atë se gjakun s’ia lanë të shkoi huq kolegut të tyre por në minutat dhe orët e pastajme shkëlqyen me profesionalizmin, guximin dhe patriotizmin e tyre. Atë që është bë dje është gjëja më e duhur se tani mund të them përfundimisht se Kosova ka fut kontrollin e vet të gjithë territorin e Kosovës, çka deri para 3-4 vite ka qenë ndoshta e paimagjinueshme.”, raporton eo.

Ndërkaq, Reshat Salihu tha e ky sulm është bërë me iniciativën e Rusisë dhe Serbisë e që kanë për qëllim destabilizimin e Ballkanit, kryesisht të Kosovës.

“Mendoj se dje ka qenë sulm shtetit të Kosovës, ka qenë sulm ndaj një shteti sovran siç është Kosova, normal nga miku i vjetër, sidomos Serbia me çdo kusht do ta destabilizoj Ballkanin, gjegjësisht Kosovën”.

“Vetë ardhja e ministrit rus të jashtëm që ishte pardje në Beograd dhe menjëherë të nesërmen ndodhi ajo, kjo është me iniciativë të Rusisë me  Serbinë, dëshirojë të heqin vëmendjen Ukrainës me ardh në Kosovë më bo trazira kështu që kjo është e pritshme, mendoj që ka qenë sulm dhe kjo duhet gjykuar nga Evropa, nga Amerika, sepse të sulmohen një shtet me aq armatim, kjo është e papranueshme, kështu që mendoj se ka qenë sulm, por për fat të keq humbëm një njeri, një polic, i cili respekt për të që ka bë çmos. Duhet Evropa të marrë masa Serbisë, t’a ndëshkojnë dhe t’i heq sanksionet që i ka ndaj neve, ne jemi në shtet tonë”.