94 persona kanë humbur betejën me koronavirus kurse 1 mijë 932 të tjerë kanë rezultuar pozitiv me këtë virus në gjashtë ditët e fundit në Kosovë.
Ministria e Shëndetësisë ka njoftuar se të hënën si pasojë e infektimit me koronavirus kanë vdekur 14 persona. Kurse 259 të tjerë kanë rezultuar pozitiv me COVID-19.
Edhe ditën e martë numri i rasteve të reja me COVID-19 nuk ishte i lartë. Për një ditë MSH-ja raportoi 357 raste të reja.
Kurse, në këtë ditë u raportua edhe për 24 viktima që humbën betejën me COVID-19.
Ndërkaq në ditën e mërkure MSH-ja njoftoj se për 24 orë kanë vdekur 12 persona dhe janë shënuar edhe 410 raste të reja. Gjatë kësaj dite ishin kryer 8 mijë e 789 testime.
Edhe ditën e enjte MSH-ja raportoi se për një numër më të vogël të të infektuarve me COVID-19 krahasuar me javët e kaluara.
Për 24 orë në vend ishin shënuar 368 raste të reja, kurse 14 persona kishin humbur jetën nga koronavirusi.
Ndërkaq të premten MSH-ja njoftoj se në vend ishin shënuar 19 raste të vdekjes. Kurse nga 6 mijë e 79 testimet e kryera vetë 279 prej tyre kishin rezultuar pozitiv me virusin korona.
Kurse sot kanë humbur jetën 11 persona si pasojë e infektimit me COVID-19 në Kosovë.
Ministria e Shëndetësisë njofton se janë testuar 6 mijë e 630 mostra të dyshimta, prej të cilave kanë rezultuar 259 raste pozitive.
Në raportin e fundit të publikuar nga kjo ministri bëhet e ditur se gjatë këtij intervali kohor janë shëruar 850 pacientë, të cilët ishin të infektuar me këtë virus.
