Lajme

​154 policë me Covid-19, 76 raste aktive dhe një i vdekur

​154 policë me Covid-19, 76 raste aktive dhe një i vdekur
11:42 | 17 Korrik 2020

Policia e Kosovës përmes një komunikate për media kanë treguar se që nga fillimi i pandemisë e deri më tani janë infektuar gjithsejtë 154 zyrtar policor, 76 prej të cilëve janë ende aktiv me COVID-19 dhe një prej tyre ka vdekur dje.

“Që nga paraqitja e pandemisë e deri më sot, 154 zyrtar policor kanë rezultuar pozitiv me COVID-19, prej tyre janë shëruar 77 zyrtar policor, ende aktiv në trajtim janë 76 zyrtar policor, ndërsa fatkeqësisht zyrtari policor Ilir Gjokaj, i lindur në vitin 1981në Gjakovë, mbrëmë në orët e vona (16.07.2020) ka ndërruar jetë”, thuhet në njoftimin e Policisë.

Sa i përket zyrtarit policor nga Gjakova që ka ndërruar jetë thonë se fillimisht ai ishte lajmëruar për pushim mjekësor nga 7 korriku për shkak të problemeve me boshtin kurrizor, derisa më 11 korrik është hospitalizuar në repartin e pulmologjisë për shkak të problemeve me frymarrje.

“Zyrtari policor i cili ka qenë duke shërbyer në Stacionin Policor në Gjakovë, nga data 07.07.2020 është lajmëruar në pushim mjekësor për shkak të problemeve më bosht kurrizor, kurse nga data 11.07.2020 është hospitalizuar në repartin pulmologjik për shkak të problemeve me frymëmarrje. Pas testeve të kryera, me datë 14.07.2020 kishte rezultuar pozitiv në Covid 19, ndërsa me datë 15.07.2020 është transferuar për trajtim mjekësor në Prishtinë”, thuhet në komunikatë.

“Policia e Kosovës (PK), referuar situatës dhe rrethanave të krijuara që nga paraqitja e pandemisë ka qenë e angazhuar në realizimin e detyrave dhe përgjegjësive të saja ligjore, të bazuara në vendimet e institucioneve të Kosovës dhe planit të gatishmërisë dhe reagimit kundër Coronavirus-it COVID-19.

Policia e Kosovës të gjitha aktivitetet dhe masat e deritanishme i ka ndërmarrë në koordinim të plotë me të gjitha institucionet kompetente në fushën e shëndetësisë dhe institucioneve tjera relevante. Kujdes të veçantë i ka kushtuar aplikimit të masave mbrojtëse për qytetarët por edhe për vet zyrtarët policor, të cilët ballafaqohen me situata dhe raste të natyrave të ndryshme si reagues të parë”, thuhet ndër të tjera në njoftim.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera