585 pacientë në Kosovë janë shëruar nga Covid-19 në 24 orët e fundit.
Instituti Kombëtar i Shëndetësisë Publike ka njoftuar se deri më tani numri i të shëruarve ka arritur në 25 mijë e 586 raste, përcjell FrontOnline.
“Gjatë 24 orëve të fundit, janë shëruar 585 pacientë derisa numri i përgjithshëm i të shëruarve deri më sot është gjithsej 25.586 raste, kurse numri i rasteve aktive është 13.505”, thuhet në njoftimin e IKSHPK-së.
Numri total i rasteve pozitive është 40 mijë e 117 raste nga 145 mijë e 363 persona të dyshimtë në virusin SARS-CoV-2 dhe 1.026 raste të vdekjes. /FrontOnline/
