Komiteti komunal i Gjilanit për parandalimin e përhapjes së COVID-19, nën udhëheqjen e nënkryetarit, Arbër Ismajli, ka mbajtur takimin ditor për vlerësimin e situatës së përballjes me pandeminë.

Nënkryetari i komunës, i cili tash e shtatë muaj po i udhëheq operacionet për parandalimin e COVID-19, ka bërë të ditur se numri i rasteve aktive në Gjilan është 50, duke e vlerësuar si lajm të mirë rënien e vazhdueshme të infeksionit në këtë komunë.

Sipas një komunikate të komunës së Gjilanit, pasqyra e përgjithshme e përballjes me pandeminë është kjo: 1051 raste në total të infektuar, 954 të shëruar, 10 të hospitalizuar, 47 të vdekur dhe 63 mostra në pritje për rezultate.