Lajme

5 mësues të shkollës më të madhe në Istog infektohen me Coronavirus, pritet të mbyllet

5 mësues të shkollës më të madhe në Istog infektohen me Coronavirus, pritet të mbyllet
17:45 | 27 Shtator 2020

Në kushte pandemike, por me masa mbrojtëse, tashmë nxënësit iu kanë rikthyer bankave shkollore.

Pavarësisht pandemisë COVID-19, Qeveria vendosi që të nis viti i ri shkollor, edhe pse dy javë me vonesë, e mësimi po vijon me disa rregulla.

Por, një shkollë në Istog, gjegjësisht ajo më e madhja për nga numri i nxënësve rrezikon të mbyllet përkohësisht, pasi që disa mësimdhënës kanë dalë pozitiv me COVID-19.

Burime të Indeksonline bëjnë të ditur që pesë mësimdhënës kanë rezultuar pozitiv. Bëhet fjalë për shollën “Bajram Curri”, ndërsa i njëjti burim mëson se ky institucion shkollor pritet edhe të mbyllet.

Kujtojmë që Ministria e Shëndetësisë dhe IKShPK, bazuar në Ligjin për parandalimin dhe luftimin e pandemisë COVID-19, përmes një komunikate ditë më parë kanë thënë se nëse situata pandemike përkeqësohet, mund të marrin vendim për mbylljen e shkollave.

Black Friday –  Eja dhe ndaj emocionet e zbritjes ekstreme në Comodita Home

Të tjera