Në Spitalin e Ferizajt po trajtohen 53 pacientë, 4 pacientë në gjendje serioze 43 në oksigjeno terapi kurse 3 të tjerë në ventilim mekanik të infektuar me Coronavirus.

Këtë e ka bërë të ditur në një prononcim për Front Online, Jeton Zeqiri, drejtor i Spitalit Regjional të Ferizajt.

“53 pacientë janë të hospitalizuar, 43 pacientë janë në varësi në oksigjeno-terapi, 3 prej tyre në ventilim mekanik. Gjendja me seriozitet pak më të lartë janë 4 pacientë, ndërsa pjesa tjetër e pacientëve kanë një gjendje relativisht stabile dhe presin që në ditët në vijim, shumë shpejt të lirohen nga spitali”, ka thënë Zeqiri.

Ai ka konfirmuar se janë edhe staf shëndetësorë të infektuar me Covid-19, 6 specialistë, 11 infermierë dhe 4 punëtorë të tjerë jo shëndetësorë, të cilët janë në gjendje të mirë shëndetësore.

“I kemi 6 specialistë të infektuar, 11 infermierë të infektuar dhe 4 punëtorë të tjerë jo shëndetësorë, gjendja e tyre është shumë e mirë jemi në kontakt të vazhdueshëm  me ta dhe presim edhe ata shumë shpejtë të kthehen në vendet e tyre të punës për ta luftuar Covid-19”, ka thënë ai Front Online.

Kurse sa i përket kapaciteteve në spital, drejtori i Spitalit të Ferizajt Zeqiri ka treguar se ka hapësire për hospitalizim për 80 pacientë kurse për momentin mbi 30 vende janë të lira.

“Kapacitetet janë për 80 pacientë në mundësi zgjerimi, për momentin i kemi edhe mbi 30 vende të tjera të lira”, është shprehur Zeqiri.

Sipas Zeqirit, situata është nën kontroll sa i përket menaxhimit dhe nuk presin përkeqësim të gjendjes sa i përket hapësirave për trajtim të pacientëve me Covid-19.

“Gjendja është stabile, në kontroll dhe nuk presim ndonjë vështirshi sa i përket vështirësisë së hospitalizimit”, ka thënë ai./Front Online/