Për më shumë se një muaj në Kosovë numri i rasteve me Covid-19 është rritur dukshëm.

Por, ditëve të fundit numri ka filluar të bie, ani pse po ka ditë që po ka edhe raste të vdekjeve, shkruan Front Online.

Klinika Infektive situatën me pacientët të infektuar me Covid-19 e ka stabile.

Në këtë klinikë janë të hospitalizuar vetëm 9 pacientë.

Kështu ka bërë të ditur për Front Online, drejtori i Klinikës Infektive, Arben Vishaj.

Ai tha se nga nëntë pacientët e hospitalizuar vetëm gjashtë janë të vaksinuar me dy dozat.

“Në klinikën Infektive situata me pacientët e infektuar me Covid-19 është stabile, momentalisht janë të hospitalizuar 9 pacientë, 8 janë pozitiv dhe 1 është negativ. Nga këta pacientë 6 janë të vaksinuar me dy dozat dhe 3 të tjerë të pa vaksinuar”, u shpreh ai.

Vishaj ka bërë të ditur se katër persona të infektuar me COVID në këtë klinikë janë me oksigjeno-terapi.

“Në klinikën Infektive janë katër pacientë me oksigjeno-terapi dhe kjo klinikë ka kapacitet për 125 shtretër dhe vetëm 9 janë të zënë”, potencoi Vishaj.

Ndryshe, vetëm sot në Kosovë janë regjistruar 2 viktima dhe 783 raste të reja me Covid-19, kurse momentalisht në vend janë 5 mijë e 561 raste aktive.

Ministria e Shëndetësisë sot ka apeluar qytetarët për t’u vaksinuar pasi sipas tyre kjo mbetet mënyra më e thjeshtë, më e lehtë dhe më efikase për t’u mbrojtur nga COVID-i./FrontOnline