Gjykata Themelore e Prizrenit i ka caktuar masën e paraburgimit prej 30 ditësh ndaj dy të dyshuarve S.M dhe E.M.
Ndërkaq B.M gjykata ka caktuar masën e arrestit shtëpiak në kohëzgjatje prej 30 ditësh.
Kohëzgjatja e paraburgimit vlen prej momentit të arrestimit të tyre më datën 17 shtator e deri më 17 tetor.
Ata dyshohet se kanë kryer veprën penale “Fajde”.“Në data dhe muaj të pavërtetuar, nga vitit 2017,2018 e deri në vitin 2021, secili I pandehur veç e veç, ka kontraktuar një shumë dukshëm jo proporcionale të pasurisë në këmbim të shërbimit (dhënies së borxhit), duke shfrytëzuar gjendjen e rëndë financiare të te dëmtuarit, dhe kanë përfituar shuma të mëdha financiare të kundërligjshme duke dhënë para me fajde në kamata shume të larta dhe duke i detyruar të dëmtuarin të veprojnë në dëm të pasurisë së tij, duke lidhur edhe kontratat për shitblerjen e paluajtshmërive si dhe kompensime të tjera si automjete të cilat janë dhënë në emër të fajdes, gjithnjë me qëllim të përfitimit të kundërligjshëm të pasurisë”, njofton Gjykata Themelore e Prizrenit.