Lucas Mandl, deputet austriak i Parlamentit Evropian, thotë se pas zgjedhjeve të 14 shkurtit, Kosova duhet të dërgojë një mesazh të qartë të stabilitetit dhe reformave që do të ndërmerren në vend.
“Qytetarëve të Kosovës u nevojitet një Republikë, e cila përfaqëson një imazh të qartë stabiliteti. Kosova duhet të dërgojë një imazh të qartë të stabilitetit dhe të reformave pozitive”, ka deklaruar ai.
Këto komente Mandl i ka bërë të mërkurën që lamë pas në uebinarin e organizuar nga European Endowment for Democracy (EED) me seli në Bruksel, ku ka marrë pjesë edhe deputetja e Parlamentit Evropian, Viola von Cramon, si dhe përfaqësuesë nga Kosova, raporton portali “Front Online”.
Pas zgjedhjeve të 14 shkurtit, ku sukses të madh kanë shënuar koalicioni i Albin Kurtit dhe Vjosa Osmani, sipas Mandl ekzistojnë rrethana të mira për një stabilitet në të ardhmen.
Sipas tij, është obligim i fituesëve të zgjedhjeve që të bashkëpunojë me çdo deputet të zgjedhur, jo vetëm për ta formuar Qeverinë, por edhe për ta zgjedhur më pas presidentin.
“Kjo për faktin se reformat që duhet të ndërmirren kërkojnë stabilitet politik”, ka potencuar ai.
Europarlamentari Mandl ka folur edhe për dialogun me Serbinë, normalizimin e raporteve dhe arritjen e njohjes reciproke, e cila, siç ka thënë ai, është shumë e rëndësishme për dy vendet në procesin e integrimit evropian.
Mandl, i cili në vitin 2016 ishte zgjedhur kryetar i Shoqatës së Miqësisë Austri-Kosovë, ka folur edhe për çështjen e liberalizimit të vizave për Kosovën me BE-në, ku, sipas tij, shumica e Parlamentit Evropian qëndron në anën e kosovarëve.
“Qytetarëve të Kosovës u nevojitet punë, mundësi. Vendet e punës hapen kur vijnë investimet, ndërsa investimet vijnë kur ka sundim të rendit dhe Ligjit dhe këto janë reformat politike që duhet të ndërmirren në vend”, ka potencuar ai. /Front Online/
Ymeri: Në zgjedhje kishte votë ndëshkuese, jo domosdoshmërisht votë fitoreje për Kurtin
Çitaku: Në Kosovë funksionon demokracia, u dëshmua më 14 shkurt