Bota/Rajoni

29-vjeçari mori 3.9 milionë dollarë nga fondet e ndihmave të Covid në Florida, për të blerë Lamborghini

29-vjeçari mori 3.9 milionë dollarë nga fondet e ndihmave të Covid në Florida, për të blerë Lamborghini
18:11 | 28 Korrik 2020

Një burrë nga Florida është akuzuar se ka marrë 3.9 milionë dollarë në formë huaje nga Programi i Mbrojtjes së Biznesit të Vogël si ndihma për krizën e Covid-19, por në fakt i përdori për të blerë një Lamborghini e disa objekte të tjera luksoze në Miami Beach.

Departamenti amerikan i Drejtësisë njoftoi se ndaj 29-vjeçarit David T. Hines nga Miami është ngritur akuzë penale. Mësohet se ai kishte kërkuar afërsisht 13,5 milionë dollarë kredi në emër të ndërmarrjeve të ndryshme dhe për t`ia arritur kësaj, kishte bërë shumë deklarata të rreme.

Në fund, i ishin miratuar vetëm një pjesë. Vetëm disa ditë pas marrjes së fondeve, 29-vjeçari kishte blerë një makinë sportive 2020 Lamborghini Hurican.

Paratë i kishte marrë për të dhënë rroga, por nuk ka bërë asnjë pagesë të tillë. Hines është arrestuar ndërsa autoritetet sekuestruan Lamborghinin e tij dhe gati 3.4 milionë dollarë, të cilat i kishte ndarë në llogari të ndryshme bankare.

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera