[wp-story]

Lajme

279 raste të reja me Covid-19

279 raste të reja me Covid-19
14:51 | 14 Janar 2021

Ministri në detyrë i Shëndetësisë, Armend Zemaj ka njoftuar se brenda 24-orëve të fundit janë konfirmuar 279 raste të reja me koronavirus.

Zemaj përmes një shkrimi të bërë në Facebook, po ashtu falënderuar qeverinë gjermane për donacionin e dhuruar Kosovës, që përmban pajisje dhe produkte mjekësore në vlerë prej 2.17 milion euro.

“Donacioni i Qeverisë Gjermane në bashkëpunim me OBSh-së dhe e Ministrinë e Shëndetësisë, përmban pajisje dhe produkte mjekësore në vlerë prej 2.17 milion euro, për përballje me pandeminë. Dërgesa është dorëzuar në prani të ambasadorit gjerman Rohde në Qendrën Klinike Universitare të Kosovës dhe do të shërbejë për të fuqizuar kujdesin ndaj pacientëve dhe, mbrojtjen gjithashtu të punonjësve shëndetësor që janë në vijën e parë të betejës kundër Covid -19”, ka thënë ai.

Zemaj ka thënë se “solidaritetin e OBSh-së dhe Qeverisë gjermane e vlerësoj jashtëzakonisht shumë sidomos në këtë kohë të pandemisë, andaj, shpreh respektin më të thellë për kontributin e tyre të vazhduar përfshirë edhe këtë donacion”.

“Falënderoj dhe mirëpres përkrahjen e mëtejme të OBSh-së dhe Gjermanisë në favor të ruajtjes dhe përparimit të shëndetit dhe mirëqenies së qytetarëve të Kosovës.

Ndërsa sa i përket situatës epidemiologjike, brenda 24 orëve të fundit nga 1,775 mostra të marra, 279 raste kanë rezultuar pozitivë, apo me pozitivitet 15.7 % ndërsa kemi 441 të cilët e kanë fituar betejën me Covid 19”./FrontOnline/

Kush ështe kosovari THE VICTOR që synon tregun e jashtëm? (video)

Të tjera