Lajme

26 fëmijë kosovarë u prekën nga Covid 19

26 fëmijë kosovarë u prekën nga Covid 19
14:46 | 17 Shtator 2020

Ushtruesi i detyrës së drejtorit të përgjithshëm të Shërbimit Spitalor të Kosovës (ShSKUK), Valbon Krasniqi ka thënë se në Klinikën e Pediatrisë e kanë caktuar një repart vetëm për fëmijët e prekur nga COVID-19, numri i të cilëve nuk ka qenë i vogël.

Krasniqi për Telegrafin tha se kanë pasur rreth 40 fëmijë të shtruar në repartin për personat me COVID-19 në Klinikën Pediatrisë, ndërsa prej tyre 26 kanë qenë të konfirmuara me COVID-19.

Ai gjithashtu tha se numri i fëmijëve të prekur me COVID-19 ka qenë më i madh, por të cilët nuk kanë pasur nevojë që të shtrihen në spital për shkak të simptomave të lehta apo edhe të cilët kanë qenë asimptomatik.

“Gjatë kësaj kohe në Klinikën e pediatrisë kemi destinuar një repart vetëm për fëmijët e prekur nga COVID-19. Sigurisht ata që kanë pasur nevojë për shtrim spitalor, sepse numri i të prekurve me COVID-19 ka qenë më i madh, të cilët kanë qenë të prekur dhe e kanë manifestuar në forma të lehta dhe asimptomatike. Kemi pasur rreth 40 fëmijë të cilët kanë marr trajtimin në repartin e COVID-19 në Klinikën e Pediatrisë, prej tyre 26 kanë qenë të konfirmuara me COVID-19, ndërsa të tjerët vetëm të dyshuar”, ka thënë ai.

Valbon Krasniqi po ashtu shtoi se 23 femra të cilat kanë lindur me coronavirus si dhe numri më i lartë i të të infektuarve ka qenë i grave shtatzëna.

“Po ashtu edhe në Klinikën e Gjinekologjisë kemi pasur 23 femra të cilët kanë lindur si COVID pozitiv, ndërsa numri i femrave shtatzëna ka qenë shumë më i lartë. Sidoqoftë ajo që vërehet dhe prej statistikave fëmijët e kalojnë më lehtë infeksionin dhe janë asimptomatik në raport me të rriturit”, ka thënë ai.

Black Friday –  Eja dhe ndaj emocionet e zbritjes ekstreme në Comodita Home

Të tjera