Bashkim Krasniqi, asamblist nga komuniteti egjiptian në Komunën e Fushë Kosovës, ka folur për rastin e fundit ku fëmijët nga komunitetet romë, ashkalinjë dhe egjiptian, nuk u përfshin në festën e abetares në shkollën “Xhemajl Kadaj” në Pejë.
Në Info Magazine të Klan Kosovës, ai ka thënë se kjo gjë i ka prekur të gjithë.
“U ndjeva i ofenduar rëndë me këtë që ndodhi. Pak ishte dashtë të flitet akoma për racizëm në Kosovë. Kemi plotë situata të diskriminimit që nuk bëhen të ditura, kemi raste të diskriminimit në shkolla, në rrugë, në kafene, në autobus. Ka shumë raste kur personat nga komunitetet romë, ashkalinjë dhe egjiptian nuk lejohen të pinë kafe, pasi u thuhet se janë me ngjyrë”, ka thënë Krasniqi.
Për të parë intervistën e plotë e keni linkun më poshtë: