Pandemia e Coronavirusti i ka prekur edhe punëtorët  e “Trafikut Urban”.

Drejtori i kësaj ndërmarrje, Lulëzim Rexhepaj,  tha se 20 punëtorë kanë qenë të infektuar me COVID-19, ku 10 prej tyre janë në vetëizolim.

“Deri më tani fatmirësisht nuk kemi pasur përhapje të madhe të infeksionit, kemi pasur vetëm 20 punëtorë të Trafikut, 10 janë në vetëizolim, pra në një formë mungesë në punë kanë qenë 30 punëtorë të “ Trafikut Urban”, tha Rexhepaj për Front Online.

Ndërsa për ta parandaluar përhapjen e virusit, Rexhepaj tha se kanë  marrë disa masa, si formimi i Shtabit Emergjent,  reduktimi i stafit administrativ dhe pajisja me masat mbrojtëse për punëtorët.

“Mendoj se kemi vepruar drejt dhe koha ka treguar se e kemi menaxhuar mirë situatën e kemi formuar Shtabin Emergjent dhe është bërë vlerësimi i prioriteteve, veprimet që do të ndërmerren në fillim të pandemisë, është blerë furnizimi me maska dhe me dorëza”, tha ai për Front Online.

Vendimi i Qeverisë për reduktimin e udhëtarëve në mjetet e transporti, iu ka shkaktuar problem qytetarëve, pasi që ata po detyrohen të presin me orë për të gjetur vend në autobus.

E lidhur me këtë drejtori i “Trafikut Urban”, tha se nuk mund të bëjnë më shumë pasi që nuk ka autobus të mjaftueshëm.

“Është e vërtet dhe kërkojmë mirëkuptimin e qytetarëve sepse të gjithë jemi duke u përballur më këto vështirësi na vie keq që qytetarët presin disa autobus të kalojnë për të gjetur një vend në mënyrë që të udhëtojnë, mirëpo në këtë situatë nuk mund të bëjmë më shumë sepse nuk kemi më tepër autobus, të gjithë autobusët janë të angazhuar”, tha tutje ai për Front Online.

Drejtori Rexhepaj për Front Online, ka treguar edhe si do të punojnë autobusët e trafikut Urbanë për Festat e Fund Vitit.

“Po për festat është orari i festave që ka reduktime është i njëjti me fund javë”, tha ai .