Kryetari i Federatës së Futbollit të Kosovës, Agim Ademi, pas intervistimit të sotëm, me urdhër të prokurorit, është dërguar në mbajte për 48 orë.
Mbrëmë, mediat kosovare kanë raportuar se ai ishte arrestuar, mirëpo Policia e Kosovës kishte mohuar një gjë të tillë duke thënë se i është dërguar vetëm një flet paraqitje për intervistim sot, shkruan FrontOnline.
Prokuria ka bërë të ditur se i pari i FFK-së është i dyshuar për kryerjen e veprave “Keqpërdorimi i besimit” dhe “Shmangie nga tatimi”.
“Prokuroria Themelore në Prishtinë, njofton opinionin publik se pas ndërmarrjes se veprimeve paraprake hetimore, Prokurori i Shtetit ka lëshuar aktvendim mbi ndalimin e Kryetarit të Federatës së Futbollit të Kosovës, për shkak të dyshimit të kryerjes së veprave penale “Keqpërdorimi i besimit”, nga neni 330 dhe “Shmangie nga tatimi”, nga neni 307 të KPRK-së. I njëjti me urdhër të Prokurorit të Shtetit është dërguar në mbajtje në kohëzgjatje prej 48 orësh, derisa në koordinim me Policinë janë duke u ndërmarrë veprime hetimore lidhur me këtë çështje penale. /FrontOnline/
