Kryetari i Aleancës për Ardhmërinë e Kosovës, Ramush Haradinaj, është deklaruar pas dy dorëheqjeve të fundit në parti, duke thënë se ata që për arsye të ndryshme nuk po munden të jetë plotësisht të përkushtuar po lirohen nga detyrat e përgjegjësit në parti.

Ai ka shtuar se fokusimi kryesor dhe energjia e partisë është e orientuar në zgjedhjet komunale që do të mbahen në vjeshtën e këtij viti, dhe se në kuadër të AAK-së janë duke u përkushtuar dhjetëra profesionist të fushave.

“Koha në të cilën po veprojmë, është kohë e sfidave të mëdha dhe kërkon vullnet, përkushtim e guxim për punë. Jam tejet i lumtur që Aleancës po i bashkohet një brez i tërë i të rinjëve, ta gatshëm të përballen me sfidat e garës politike në të gjitha nivelet. Kjo garë, rezultatin e parë do ta jap në zgjedhjet komunale, do të vazhdojë me zgjedhjet e rregullta të brendshme në Parti, në pranverën e vitit që vjen, si dhe në zgjedhjet parlamentare të ardhshme”, ka shkruar Haradinaj./FrontOnline