Në total, FIFA ka ndaluar 17 shtete për shkelje të rregulloreve të saj zyrtare që nga viti 1950 – përfshirë tre shtete që kanë pasur federatat e futbollit të pezulluara për shkak të “rrethanave të rënda” para zhvillimit të Botërorit 2026.

Në shkurt të vitit 2025, 211 shtete janë renditur në renditjen botërore të FIFA-s për futbollin e meshkujve, ndërsa 194 garojnë në futbollin ndërkombëtar të femrave.

Një nga shtetet që aktualisht është e ndaluar të garojë në ndeshjet e miratuara nga FIFA është Rusia, pas pushtimit të Ukrainës në shkurt 2022.

Vitin e kaluar, FIFA dhe UEFA vendosën të mbajnë në fuqi ndalimin e Rusisë nga garat ndërkombëtare deri në Botërorin e 2026.

Dhe siç raportuam javën e kaluar, FIFA ka pezulluar federatat e futbollit të dy shteteve të tjera – Kongos dhe Pakistanit – me efekt të menjëhershëm për shkak të rrethanave të rënda, duke i ndaluar ato të garojnë për Botërorin që mbahet në SHBA, Kanada dhe Meksikë më 2026.

Në total, ka 17 shtete që janë ndaluar nga FIFA që nga viti 2006. Disa prej tyre janë ri-pranuar, ndërsa të tjera mbeten të pezulluara.

Në shumicën e rasteve, shtetet janë ndaluar nga FIFA për shkak të ndërhyrjes së palëve të treta – zakonisht nga qeveritë – në çështjet futbollistike.

Gjermania dhe Japonia (Kupa e Botës 1950)

Gjermania dhe Japonia u ndaluan të merrnin pjesë në Botërorin e  vitit 1950 – e para që u mbajt pas vitit 1938, për shkak të veprimeve të tyre gjatë Luftës së Dytë Botërore.

Përveç kësaj, Federata e Futbollit të Japonisë u pezullua në vitin 1945 për mos-pagimin e detyrimeve, ndërsa federata gjermane u shpërbë dhe nuk u rikthye deri pas turneut.

Afrika e Jugut (Kupa e Botës 1970 – 1990)

Afrika e Jugut u pezullua nga FIFA në vitin 1961 për shkak të politikave të tij të rrepta të aparteidit, por Sir Stanley Rous, kryetar i Federatës së Futbollit të Anglisë dhe president i FIFA-s nga 1961 deri në 1974, refuzoi thirrjet për ta përjashtuar.

Vendimi për ta përjashtuar u mor në vitin 1976, kur Joao Havelange zëvendësoi Rous.

Pezullimi nuk u hoq deri në vitin 1991, kur aparteidi filloi të merrte fund dhe një federatë e re futbolli u formua.

Meksika (Kupa e Botës 1990)

Meksika u ndalua të merrte pjesë në turnetë e FIFA-s për dy vjet pasi përdori katër lojtarë mbi moshën e duhur gjatë një raundi kualifikues për një turne ndërkombëtar të të rinjve.

Kjo e bëri që ata të humbnin Kupën e Botës 1990, të fituar nga Gjermania Perëndimore.

Kili (Botërori 1994)

Kili u ndalua nga Botërorin e 1994 pasi u zbulua se portieri i tij, Roberto Rojas, kishte përdorur një thikë të fshehur në dorë për të therë dikë gjatë një ndeshjeje ndaj Brazilit.

Ai kishte pretenduar më parë se ishte lënduar nga një flakë që një tifoz e kishte hedhur. Rojas më pas ju ndalua futbolli përjetësisht.

Mjanmari (Kupa e Botës 2006)

Mjanmari, që nuk është kualifikuar asnjëherë në një Botëror, u ndalua të merrte pjesë në fazën kualifikuese për edicionin e vitit 2006 në Gjermani.

Ata gjithashtu u gjobitën me 23,500 dollarë pasi u tërhoqën nga një ndeshje kualifikuese për Kupën e Botës 2002 që duhej të luhej në Iran.

Shtetet e tjera të ndaluara nga FIFA përfshijnë: Rusia (Botërori 2022, Euro 2024), Iraku (2008 dhe 2009), Nigeria (2014), Kuvajti (2015), Indonezia (2015), Guatemala (2016), Pakistani (2017, 2021, 2025), Çadi (2021), Zimbabve (2022), Kenia (2022) dhe Kongo (2025). /Sinjali/