×
  • Bota/Rajoni
  • Bota/Rajoni

    Alibeaj me një grup deputetësh diskutojnë kandidaturat për presidentin e ri të Shqipërisë

    FrontOnline
    19 Maj 2022

    Në Shqipëri, pas dakortësisë së djeshme me socialistët, kryetari i grupit parlamentar demokrat, Enkelejd Alibeaj, nisi sot së bashku me një pjesë të deputetëve, diskutimet e brendshme për kandidaturat për presidentin e ri. Janë të paktën 8 emra që janë hedhur për diskutim brenda grupit. Lëvizja e zotit Alibeaj u kundërshtua dhe sot nga deputetët që mbështesin ish kryeministrin Sali Berisha.

    Pas marrëveshjes së arritur dje me socialistët që në dy raundet e ardhshme opozita të propozojë kandidaturat për presidentin e Republikës, kryetari i grupit parlamentar demokrat Enkelejd Alibeaj mbodhi sot një pjesë të deputetëve të partisë demokratike.

    Mbështetësit e ish kryeministrit Berisha nuk ju përgjigjën thirrjes së tij duke qenë se nuk e njohin si kryetar të grupit, dhe i paraprinë mbledhjes me një tjetër deklaratë kundërshtuese. “Alibeaj pranoi marrëveshjen që i ofroi Taulant Balla për llogari të Ramës dhe pa asnjë tagër ka thirrur deputetët e Partisë Demokratike që të legalizojë marrëveshjen e tij personale me Ballën, marreveshje që i siguron Edi Ramës një president kukull me veshje konsensualiteti kallp”, deklaroi deputeti Oerd Bylykbashi.

    Përveç tyre, edhe një fraksion i tretë deputetësh që nuk janë pozicionuar me asnjë nga palët, gjithashtu nuk ishin në mbledhjen e cila nuk arriti të grumbullonte sërish shumicën e grupit.

    Të paktën 8 emra, kryesisht figura të së djathtës dhe të lidhur ne një mënyrë ose një tjetër me Partinë Demokratike, u propozuan gjatë diskutimeve. Zoti Alibeaj nuk preferoi të fliste për emrat: “Ne jemi në proces në fakt, për të dhënë kontributin ne zgjedhjen e presidentit të shqiptarëve. E për këtë arsye, ishte unison i të gjithë anëtarëve të grupit parlamentar, pjesmarrës 26 kolegë, që të gjitha kët diskutimet tona, vjeljen e opinioneve dhe të kolegëve tanë që sot nuk ishin, t’ua bëjmë me dije, që në një mbledhje tjetër, e cila do të zhvillohet nesër pasdite, për të diskutuar pikërisht për të gjitha çështjet e këtij procesi të pjesmarrjes në zgjedhjen e president të ri”.

    Zoti Alibeaj tha se do të bëhen përpjekje për të marrë qëndrimin e çdo deputeti, dhe se ai do të vijonte kontaktet dhe me aleatët e tjerë në parlament. Sipas tij, formula e dakortësuar është ajo që përmban dokumenti i propozuar nga ai,, sipas të cilit opozita do ofrojë katër emra, nga të cilët shumica do japë dakortësinë për dy dhe më pas do të shkohet drejt nje emri të përbashkët.

    Në fakt këtë formulë socialistët e përjashtuan gjatë ditës së djeshme. Por zoti Alibeaj këmbënguli se për atë ishte rënë dakort. Mbetet për t’u parë megjithatë se si do të vijojë së pari procesi brenda opozitës, dhe më pas, nëse kjo është rruga e vetme që do të ndiqet./VOA

    Njoftimet nga KEDS për punimet në rrjet
    Nga Rubrika
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Të tjera
    Lajme28 Mars 2024
    Kandidati i Partisë Demokratike të Kosovës për kryeministër Bedri Hamza, ka thënë se qeveria e udhëhequr nga Albin Kurti, është pa rezultate....
    Lajme28 Mars 2024
    Kryeministri i Kosovës, Albin Kurti ka thënë se këtë vit e kemi filluar pa viza e me pasaportë shumëfish më të fuqishme,...
    Lajme28 Mars 2024
    Kryetari i Nismës Socialdemokrate, Fatmir Limaj, ka thënë se Kosova duhet të shkojë në zgjedhje të rregullta dhe jo atëherë kur dëshiron...
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...

    FrontOnline, © 2024 Të gjitha të drejtat e rezervuara.