×
  • Lajme
  • Lajme

    ​Veliu në AKSP, ndjek nga afër trajnimet e kadetëve policorë

    FrontOnline
    16 Korrik 2020

    Në Akademinë e Kosovës për Siguri Publike po vazhdon trajnimi profesional i kadetëve të Policisë së Kosovës, të gjeneratës së 55-të, i cili ishte ndërprerë në mars për shkak të përhapjes së koronavirusit. Është vendosur që trajnimi të bëhet online në pjesën e teorisë, ndërsa pjesa praktike operative po zhvillohet me numër të vogël të kadetëve.

    Praktikat profesionale operative, kadetët në Akademinë Policore të Kosovës po i zhvillojnë në një mënyrë jo të zakonshme.

    Ata po mblidhen në numër të vogël për të ndjekur trajnimin me qëllim të mbrojtjes nga Covid-19. Ndërsa mësimi online aty po zhvillohet rregullisht.

    Me krejt këto është njoftuar për së afërmi sot ministri i Punëve të Brendshme, Agim Veliu, para së cilit, kadetët demonstruan përdorimin e armës, në dhomën simulative për trajnime me armë zjarri.

    Ata kishin përgatitur për ministrin një seancë trajnimi me armë zjarri në vendimmarrje.

    Burgja: Pas trajnimeve, kadeti merr vendim a të përdorë armën

    “Çka do të thotë vendimmarrje, aty është vendimi ku kadeti në bazë të instruksioneve që i ka pasur nga ligjëratat pas një jave të trajnimit merr vendim a me përdorë forcën vdekjeprurëse, armën, ajo shkon në formë profesionale”, shpjegoi përgjegjësi për pajisjet dhe trajnimet, Enis Burgja.

    Ndërsa instruktori Arben Rrustemi tregoi se kadetët policor aftësohen në përdorimin e armës së zjarrit, në teori dhe praktikë.

    Rrustemi: Kadetët policorë aftësohen për përdorimin e armës së zjarrit

    (Video) 3

    “Njësia për armë zjarri mban trajnime dhe aftëson kadetët policorë në përdorimin e armës së zjarrit, në pjesën teorike por edhe pjesën praktike, ndërsa si pajisje e përdorim po ashtu për t’i aftësuar kadetët fillimisht për përdorimin e armës, njohjen mbi të. Pas aftësimit për një periudhë vazhdojmë me pjesën e skenarëve për vendimmarrje”, tha ai.

    Përveç kësaj, ministri Agim Veliu takoi menaxhmentin e akademisë.

    Veliu: Në Akademinë Policore po punohet, kadetët do të dalin të suksesshëm

    “Unë e vërejta se këtu është duke u punuar mjaftë edhe përmes platformave të ndryshme online për pjesën teorike, por edhe për pjesën praktike këtu, pata rast të takohem me kadetët e rinj, u dëshirova sukses në punën e tyre dhe jam i bindur që ata do të arrijnë edhe përkundër këtyre vështirësive që na i imponon Covid-19, do të arrijnë t’i përmbushin me sukses punët dhe detyrat e tyre në mënyrë që t’i presim sa më shpejtë të dalin atje ku e kanë vendin dhe ku do të angazhohen”, tha ai.

    Drejtori i Akademisë së Kosovës për Sigurisë Publike, Ismajl Smakiqi tha se trajnimi profesional i kadetëve të Policisë së Kosovës po vazhdon online, për shkak të situatës së krijuar nga përhapja e virusit, ku është pezulluar mësimi në shkolla e universitete.

    Smakiqi: Trajnimi i ndërprerë në mars po vazhdon online për kadetët e Policisë së Kosovës

    “Është duke u zhvilluar trajnimi profesional i kadetëve të Policisë së Kosovës, gjeneratës 55, siç e dini më 12 mars është ndërpre në javën e 18 ky trajnim për shkak të marrjes së vendimit të qeverisë për ndërprerjen e procesit arsimor, dhe ne që atëherë e ndërpremë, kemi hezituar si të fillojmë, meqenëse kadetët përveç mësimeve të drejtpërdrejta kanë edhe praktika profesionale, operative, dhe në fund vendosëm që të vazhdojë trajnimi online për ketë pjesën teorike, kurse kjo pjesa praktike t’i kthejmë kadetët në një numër shumë më të vogël në mënyrë që të jenë të mbrojtur”, tha ai.

    Ai tha se akademia ka ndërmarrë të gjitha masat mbrojtëse kundër infektimit me Covid-19.

    Natën e Kurban Bajramit Petrol Company shpërndan 40 pako ushqimore për fëmijët jetim në Kosovë
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.