×
  • Lajme
  • Lajme

    ​Opozita akuzon Hotin për suspendim të shtetësinë dhe heqje dorë nga politika e jashtme

    FrontOnline
    12 Shtator 2020

    Moratoriumi 1 vjeçar i Kosovës për mosaplikim në organizata ndërkombëtare po konsiderohet si suspendim i shtetit për këtë periudhë. Dy partitë opozitare, Lëvizja Vetëvendosje dhe Partia Demokratike e Kosovës, po thonë se ky vendim është shumë i dëmshëm, pasi Kosova po heq dorë nga politika e jashtme. Ndërkohë kryeministri Avdullah Hoti ka theksuar se ky afat 1 vjeçar është vënë për të shfrytëzuar arritjen e një marrëveshje finale me Serbinë. Derisa edhe e arsyetoi me argumentin se pa ndihmën e ShBA-së nuk mund të aplikojnë në asnjë organizatë multilaterale.

    Në partinë e Albin Kurtit u shprehën për KosovaPress se Hoti në mënyrë të vullnetshme ka hequr dorë nga njohja e vendit. Zëdhënësi, Përparim Kryeziu thotë se ky veprim është i dëmshëm për vendin.

    “Moratoriumi është suspendim i shtetësisë për një vit. Efektivisht çka ka thënë Kosova përmes kësaj marrëveshje është se për një vit shtetësia ime dhe elemente përbërëse të shtetësisë sime janë të pamjaftueshme që organizatat të pranojnë si palë të barabartë. Është suspendim i shtetësie dhe mos njohje ndaj vetës në mënyrë të vullnetshme. Atëherë si mund të ketë mundësi që një subjekt tjetër në të ardhmen mund të njeh Kosovës”, thotë ai.

    Të ashpër për këtë vendim të qeverisë Hoti u shprehën edhe nga tabori i PDK-së.

    Zëdhënësi i partisë, Avni Bytçi thotë se ky është një veprim i palogjikshëm i kryeministrit Hoti.

    “Është shumë e dëmshme, pasi për neve është e paqartë pse Kosova ka hequr dorë nga politika e jashtme. Cila është arsyeja, për neve është e palogjikshme pse kryeministri i një vendi të hekë dorë nga politika e jashtme sidomos kur është çështja e njohjes edhe anëtarësimi në organizata ndërkombëtare”, thotë ai.

    E kryeministri përmes një konference për medie ditë më parë ka thënë se vendit i është kërkuar që gjatë kësaj periudhe të arrihet një marrëveshje finale me Serbinë.

    Ndërkohë theksoi se në asnjë organizatë ndërkombëtare nuk mund të aplikojnë kur se kanë mbështetjen e ShBA-së.

    “Duhet të keni parasysh se asnjë anëtarësim në organizata ndërkombëtare nuk mund të sigurohet nëse nuk e kemi mbështetjen e ShBA-ve dhe vendeve kyçe të BE-së. Ajo që na është kërkuar është hajde të ulemi gjatë kësaj periudhe që kemi përpara të mundohemi të punojmë drejtë marrëveshjes finale. Nëse e lexoni me kujdes pikën që lidhet me këtë moratorium është sa i përket aplikimi në organizata ndërkombëtare. Ndërsa është moratorium për Serbinë për të ndaluar fushatën për çnjohje”, ka thënë ai.

    Kosova vitet e fundit nuk ka mundur të bëhet pjesë e asnjë organizate ndërkombëtare. Vendi dështoi të anëtarësohet në UNESCO dhe Interpol. Ndërkaq përveç njohjes së fundit nga Izraeli, Kosova në dy vitet e fundit ka pasur regres sa i përket njohjeve zyrtare nga shtetet tjera.

    Comodita nis 35 kontejnerë me dyshekë për në SHBA
    Nga Rubrika
    Lajme29 Mars 2024
    Tomë Gashi, avokati i ambasadorit Martin Berishaj, ka njoftuar se klienti i tij e ka përfunduar intervistimin në Prokurorinë Speciale të Republikës...
    Lajme29 Mars 2024
    Bashkimi Evropian (BE) e ka përsëritur të premten se vendimet në Këshillin e Evropës nuk kanë të bëjnë me bllokun drejtpërdrejt, pasi...
    Lajme29 Mars 2024
    Mostrat e zhdukura të ish-aktivistit të Lëvizjes Vetëvendosje, Astrit Deharit tashmë i ndjerë dyshohet se janë gjetur. Këtë e kanë bërë të...
    Të tjera
    Lajme29 Mars 2024
    Deputetja e PDK-së, Ariana Musliu-Shoshi, ka reaguar pasi sot në Prokurorinë e Kosovës po intervistohet ambasadori i Kosovës në Kroaci, Martin Berishaj....
    Lajme29 Mars 2024
    Pas konfirmimit të legjitimitetit të një vendimi shumë të rëndësishëm për Komunën e Gjilanit siç ka qenë vendimi për caktimin e lokacionit...
    Lajme29 Mars 2024
    Kryetari i Komunës së Podujevës Shpejtim Bulliqi, ka njoftuar se e ka liruar nga detyra drejtorin për Kulturë, Rini dhe Sport, Pajtim...
    Lajme29 Mars 2024
    Ministrja e Punëve të Jashtme, Donika Gërvalla është pritur në një mënyrë të veçantë në Kalabri. Fëmijët në Kalabri kanë kënduar në...
    Sport29 Mars 2024
    Ministri i Kulturës, Rinisë dhe Sportit, Hajrulla Çeku ka njoftuar se kanë filluar punimet për rindërtimin e tërësishëm të fushës së stadiumit...
    Lajme29 Mars 2024
    Zëvendëskryeministri i Kosovës, Besnik Bislimi dhe ministrja për Çështje Evropiane të Malit të Zi, Maida Gorçeviç, deklaruan se Mali i Zi nuk...

    FrontOnline, © 2024 Të gjitha të drejtat e rezervuara.