×
  • Lajme
  • Lajme

    ​Lenjani: Institucioneve u kemi dërguar me mijëra shkresa, asnjëherë nuk janë marrë me Karaçevën

    FrontOnline
    09 Gusht 2020

    Tash e dy dekada, banorët e fshatit të Karaçevës pothuajse janë lënë pas dore nga institucionet e Kosovës. Ndërkohë që janë pa vëmendje institucionale, “vizitorë” të shpeshtë në territorin e tyre kanë xhandarmërinë serbe.

    Selver Lenjani i cili përfaqëson banorët e këtij fshati, dhe që gjithmonë ka qenë i zëshëm për këtë çështje, thotë për KosovaPress se institucionet e Kosovës asnjëherë nuk janë marrë me hallet e banorëve te fshatit Karaçevë.

    Ai tregon se ka pasur disa grupe të xhandarëve serbë të cilët kanë patrulluar në territorin e fshatit Karaçevë.

    Lenjani: Nuk është hera e parë hyrja e xhandarmërisë serbe në Karaçevë

    “Nuk është hera e parë hyrja e xhandarëve serbë, e forcave paramilitare, e armatës se rregulltë, e forcave të ndryshme që hyjnë në territorin e fshatit Karaçevë. Nuk është hera e parë. Ky problem është qe nga viti 2001 e deri më sot kur po raportojmë. Kanë hyrë dje në pjesën e Karaçevës atje te ‘Oxygeni’, që kanë patrulluar dhe mendojnë se është pronë e tyre. Dhe në tërësi ka hyrë në tërë fshatin e kanë korrigjuar. Edhe në lagjen, edhe tek ish-kryetari Surdulli edhe në pjesën e Breznicës, nuk është hera e parë”, tregon Lenjani.

    Nuk kanë qenë të rralla rastet, kur vetë Lenjani u kishte dërguar në emër të banorëve kërkesa udhëheqësve të institucioneve, për t’u dalë në ndihmë.

    Megjithatë sipas Lenjanit askush nga ta deri më tani nuk është marrë me këtë çështje.

    Lenjani: Është tmerr çfarë po ndodhë me Karaçevën

    “Karaçeva dhe banorët e brezit kufitar i kanë shkruar mijëra herë kanë shkruar. Ju kemi bërë me dije, kemi kërkuar le të dalin te vizitojnë banorët me hallet, me brengat të cilat ballafaqohen me problemet që i kanë në brezin kufitar… Institucionet e Republikës së Kosovës bindshëm po ju them asnjëherë nuk janë marrë. As nuk u marrë kryeministri, as nuk u marrë presidenti, as nuk u marrë kryeparlamentari, as nuk janë marrë delegatët e kuvendit. Është tmerr çfarë ka ndodhur me Karaçevën dhe çfarë po ndodhë”, shton ai.

    Lenjani thotë se do të vazhdojnë të jenë të zëshëm për mbrojtjen e territorit të këqij vendi, për këtë kërkon nga institucionet që të kthejnë vëmendjen ndaj këtij fshati.

    Lenjani: Lus organet relevante që pas këtij rasti të merren seriozisht me Karaçevën

    “Kërkoj nga Brukseli zyrtar te na ndihmoni t’i mbrojmë 11 mijë km2 dhe t’ia tërhiqni vërejtjen Serbisë. Tërhiqu nga kjo kauzë e dëmshme, nga këto falsifikime që i ke bërë, sepse është tokë shqiptare. Historikisht Kosova asnjëherë nuk ka qenë pjesë e Serbisë… Lus gjithë organet relevante që kësaj here pas këtij rasti te merren seriozisht për të qëndruar seriozisht dhe për ta mbrojtur”, shton ai.

    Gjatë ditës së premte 11 pjesëtarë të xhandarmërisë serbe kanë kaluar të maskuar e armatosur pranë restorantit “Oxygen”, në Karaçevë.

    Derisa kanë qenë edhe disa grupe të tjera të cilat kanë kaluar në territorin e kësaj zone.

    Që nga përfundimi i luftës banorët e këtij fshati të Kamenicës kanë alarmuar disa herë për futjen e xhandarmërisë serbe në këtë territor.

    KFOR-i ka të vendosur tabelat për shënimin e kufirit të përkohshëm të Kosovës, në fshatin Karaçevë të Kamenicës

    Afër 6500 banorë të Shalës së Bajgorës përfitojnë nga rrjeti i ri
    Nga Rubrika
    Lajme29 Mars 2024
    Deputetja e PDK-së, Ariana Musliu-Shoshi, ka reaguar pasi sot në Prokurorinë e Kosovës po intervistohet ambasadori i Kosovës në Kroaci, Martin Berishaj....
    Lajme29 Mars 2024
    Komandanti i misionit të KFOR-it në Kosovë, Ozkan Ulutash, sot është takuar me ministrin e Mbrojtjes së Republikës së Italisë, Guido Crosetton,...
    Lajme29 Mars 2024
    Artmotion, platforma lidere në Kosovë, dhe DigitAlb, platforma lidere në Shqipëri, janë të lumtur të njoftojnë se kanë arritur një marrëveshje për...
    Të tjera
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Lajme29 Mars 2024
    Ka dështuar të mbahet seanca e së premtes shkaku se ka munguar e pandehura Haxhere Berisha, e cila akuzohet bashkë me nëntë...
    Lajme29 Mars 2024
    Policia e Rajonit të Gjakovës ka sekuestruar armë në dy lokacione të ndryshme në fshatin Cermjan të Gjakovës. Në njërin lokacion janë...
    Lajme29 Mars 2024
    Zyrtari i LDK-së, Visar Azemi, ka thënë se sot KEK-u ka dhënë dy kontrata përmes tenderëve të negociuar që kapin vlerën mbi...
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...

    FrontOnline, © 2024 Të gjitha të drejtat e rezervuara.