×
  • Lajme
  • Lajme

    ​Kundërshtohet ashpër vendimi për mbylljen e çerdheve

    FrontOnline
    13 Korrik 2020

    Vendim të ngutshëm dhe të pamenduar mirë po e quan Asociacioni i Institucioneve Parashkollore Private, vendimin e qeverisë për pezullim të punës së çerdheve publike dhe private në vend.

    Kryetarja e këtij Asociacioni, Gëzime Rexhepi-Çollaku, tha se janë të shokuar me këtë vendim, përderisa thotë se nga 1 qershori e deri më sot nuk kanë pasur ndonjë rast të infektimit me COVID-19 të fëmijëve në çerdhe.

    Ajo tha se me këtë vendim rrezikohen shumë institucione parashkollore të mbyllen, pasi sipas saj e kanë të pamundur të realizojnë të hyrat e planifikuara.

    Rexhepi-Çollaku: Ka qenë një vendim i ngutshëm dhe i pamenduar mirë

    “Ne si asociacion i institucioneve parashkollore private ka qenë një lajm shokues për neve. Derisa ne nuk e pritnim këtë, sepse deri më tani që nga 1 qershori kemi marrë të gjithë preventivën që mos ta kemi as edhe një rast të mundshëm në kopshte dhe kur dihet që në këtë sezon nga numri total i fëmijëve vetëm 20 përqind të kapacitetit ka qenë duke vijuar në çerdhe. Që do të thotë të gjithë ata prindër që i kanë sjell fëmijët e tyre në kopshte qoftë private apo publike kanë qenë si domosdoshmëri në pamundësi për t’i lënë diku tek familjare…Ka qenë një vendim i ngutshëm dhe i pamenduar mirë, sepse prindërit reagimin që e kemi pas gjatë kësaj kohë gjatë këtyre minutave prej kur ka dal lajmi, ata janë shokuar saqë ka reagime dhe ka zëra nga prindërit që janë në gjendje edhe të protestojnë në pamundësi të sistemimit të fëmijëve të tyre.

    Rexhepi-Çollaku tha se nga ky vendim i sotëm i Qeverisë së Kosovës rrezikohen nga falimentimi shumë institucione parashkollore private.

    Rexhepi-Çollaku: Bizneset në këtë situatë do të ngulfaten dhe është frika nga falimentimi total

    “Bizneset në këtë situatë do të ngulfaten dhe është frika nga falimentimi total dhe pas stabilizimit dhe pas përfundimit, uroj që të përfundojë pandemia, është rreziku që sa do te jenë në gjendje që të rihapen kopshtet private”, tha ajo.

    Kryetarja e Asociacionit të Institucioneve Parashkollore Private, tha se e kanë të pamundur që të mbajnë numrin e punëtorëve, pasi sipas saj nuk kanë se si t’i paguajnë pagat për ta.

    Me këtë vendim për mbyllje, ajo tha se edhe shteti do t’i vuajë pasojat.

    Rexhepi-Çollaku: Numri i punëtorëve nuk vjen në shprehje të mbahet

    “Kjo direkt shkakton një disbalanc, sepse humbjet vazhdojnë, të hyrat nuk realizohen, shteti nuk është vetëm tash që nuk i mbështet kopshtet private, por asnjëherë nuk i ka mbështetur. E bash në këtë situatë kur duhet të përdor një lloj infuzioni që të mundemi të qëndrojmë dhe të bëjmë punën tonë siç duhet ata nuk kanë reaguar as të vetmen një mbështetje minimale. Mirëpo, kjo do t’i kushtoj edhe shtetit, sepse të gjitha kopshtet private konsiderohen si biznese dhe e mbushin arkën e shtetit. Edukatoret nëpër kopshte publike ato edhe nëse qëndrojnë në shtëpi ato rrogat e tyre vetëm sa realizohen, ne e kemi të pamundur…Numri i punëtorëve nuk vjen në shprehje të mbahet, sepse është e pamundur, nuk ke as mundësi minimale që t’i mbash të gjitha”, tha ajo.

    Si masë parandaluese për përhapje të virusit COVID-19, sot qeveria e vendit ka vendosur që të pezullojë punën e çerdheve private dhe publike në vend.KP.

    “Strategjitë t’i lënë përjashta, ta shijojnë këtë eksperiencë të paharrueshme”, u thotë Bruno banorëve të rinj
    Nga Rubrika
    Lajme28 Mars 2024
    Deputeti i Lëvizjes Vetëvendosje, Adnan Rrustemi, gjatë seancës së jashtëzakonshme që po mbahet në Kuvend ku po flitet për kontratat njëburimore për...
    Lajme28 Mars 2024
    Deputetja e PDK-së, Blerta Deliu-Kodra, ka thënë se kontratat njëburimore janë bërë standard i përditshëm i qeverisë Kurti. Në seancën ku po...
    Lajme28 Mars 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar Betejëb e Pozharit e cila kishte thyer keq armikun. Haradinaj...
    Të tjera
    Kronika28 Mars 2024
    Është dërguar në mbajtje njëri nga personat që ishte duke u trajtuar në QKUK, si pasojë e plagosjes me armë zjarri të...
    Kronika28 Mars 2024
    Dy persona janë gjetur të vdekur në Prishtinë, në dy raste të ndara. Në rastin e parë, një grua ka njoftuar policinë...
    Lajme28 Mars 2024
    Komuna e Prishtinës ka njoftuar banorët e kryeqytetit se shumë shpejt do të zhvillohen zgjedhjet në lagjet e qytetit për formimin e...
    Lajme28 Mars 2024
    Kryeministri i Kosovës, Albin Kurti, e ka quajtur lajm të mirë kalimin me sukses vendimmarrjen e radhës në rrugën drejt anëtarësimit në...
    Lajme28 Mars 2024
    Presidentja e Kosovës, Vjosa Osmani kujtoi ka përkujtuar 25-vjetorin e masakrës së Izbicës së Skenderajt. “Kujtesa historike është në funksion të respektimit...
    Lajme28 Mars 2024
    Policia e Kosovës ka gjobitur dy vozitës, të cilët po garonin me vetura në rrugën Prishtinë – Mitrovicë. PK ka bërë të...

    FrontOnline, © 2024 Të gjitha të drejtat e rezervuara.