×
  • Lajme
  • Lajme

    ​Hoti: Do të kërkoj hetim se si ka rrjedhur raporti në media për vjedhjen e çantës së Muhamet Mustafës

    FrontOnline
    30 Nëntor 2020

    Kryeministri Avdullah Hoti do të kërkojë hetim se si ka rrjedhur raporti në media, në lidhje me vjedhjen e çantës së Muhamet Mustafës në Bruksel. Sipas tij, është paradoksale se si është raportuar për të, derisa hetimet ende po vazhdojnë. Ai ka theksuar se në këtë çantë nuk ka pasur dokumente sekrete, publikimi i të cilave do të dëmtonte punën e delegacionit në Bruksel.

    Gjatë pyetjeve parlamentare në organin më të lartë legjislativ, deputetja e PDK-së, Ariana Musliu-Shoshi nga kryeministri Hoti ka kërkuar të di se çfarë po ndodhë me këtë rast, dhe a kanë pranuar ndonjë informatë lidhur me këtë proces.

    Musliu-Shoshi: Kryeministër çfarë veprime keni marrë ju me këtë rast?

    “Jemi njoftuar se profesorit Muhamet Mustafa në cilësinë e ekspertit në bisedime me Serbinë, gjatë drekës në një restorant i është vjedhur çanta në të cilën kishte dokumentacion zytar të natyrës sensitive, që kryesisht janë përdorur ose do të përdoreshin në bisedimet me Serbinë. Duke marrë parasysh natyrën e materialeve të humbura, Policia Belge ka angazhuar njësi të specializuara të hetimit dhe është caktuar një prokuror i prokurores së Mbretit që të menaxhojë me këtë rast. Bazuar në këtë raport, dyshimet janë që çanta mund të ketë qenë cak i grupit të organizuar për të futur në dorë materiale apo dokumente që gjendeshin në çantë. Zoti kryeministër çfarë veprime keni marrë ju me këtë rast? Dhe a keni pranuar ndonjë informatë lidhur me procesin dhe motivin e vjedhjes së profesorit Muhamet Mustafa?”, ka pyetur deputetja Musliu-Shoshi.

    Për këtë kryeministri Avdullah Hoti tha se çdo aludim apo pretendim se ka pasur përpjekje të mbajtjes në fshehtësi nga ana e delegacionit, është spekulim. Ai u zotua se në mënyrën më transparente është raportuar ky rast në autoritet belge.

    Hoti: Unë do të kërkoj hetim për rrethanat se si ka rrjedhur ky raport në media

    “Zyrtarët përkatës të ambasadës tonë në Bruksel kanë qenë dhe janë në bashkëpunim të vazhdueshëm me autoritetet belge për ndriçimin e gjitha rrethanave lidhur me këtë çështje. Zyrtarët e ambasadës për këtë çështje, e kanë raportuar edhe tek autoritet përkatëse policore në Kosovë, siç edhe e dëshmon raporti i publikuar në media. Madje në këtë pikë shqetësim shumë i madh edhe për juve edhe për mua, do të duhej të ishte bërja publike e një raporti policor konfidencial pa u përmbyllur hetimet deri në fund. Unë do të kërkoj hetim për rrethanat se si ka rrjedhur ky raport në media, ndërkohë që hetimi ende po vazhdon”, ka deklaruar Hoti.

    Në këtë çante sipas tij, nuk ka qenë asnjë dokument zyrtar, publikimi i të cilave do të mund të dëmtonte punën e delegacionit. Sipas tij, është paradoksale bërja e kësaj çështje temë në media, derisa po vazhdojnë hetimet nga autoritetet përkatëse.

    Ndërgjegjësimi mbi autizmin dhe ndryshimi i narratives për autizmin dhe Personat me Aftësi të Kufizuar
    Nga Rubrika
    Lajme28 Mars 2024
    Një ngjarje e rëndë ka ndodhur në Itali, ku një person nga Kosova ka humbur jetën në vendin e punës. Rasti i...
    Ekonomi28 Mars 2024
    Rreth 88 milionë euro është vlera preliminare e dërgesave të mërgatës që janë sjell në Republikën e Kosovës për muajin shkurt 2024....
    Lajme28 Mars 2024
    Shefi i deputetëve të Aleancës për Ardhmërinë e Kosovës, Besnik Tahiri gjatë seancës së sotme në Kuvendin e Kosovës ka thënë se...
    Të tjera
    Lajme28 Mars 2024
    Shefi i Grupit Parlamentar të Partisë Demokratike të Kosovës, Abelard Tahiri, në seancën e Kuvendit të Kosovës, ka folur për kontratat njëburimore....
    Lajme28 Mars 2024
    Kryetari i Aleancës për Ardhmërinë e Kosovës, Ramush Haradinaj ka thënë se sa i përket kërcënimeve të  paralajmëruara në veri, çdoherë ekziston...
    Lajme28 Mars 2024
    Kryeministri i Kosovës, Albin Kurti, e ka komentuar sërish rregulloren e Bankës Qendrore të Kosovës, duke thënë se në komunat veriore pa...
    Lajme28 Mars 2024
    Posta e Kosovës, përmes Filatelisë së saj nga sot lëshon në qarkullim të rregullt postar emisionin e ri të pullave postare “Fauna...
    Lajme28 Mars 2024
    Persona të panjohur kanë shtënë mbrëmë me armë zjarri në Prishtinë. Kjo është konfirmuar nga Policia e Kosovës. Në vendngjarje ata kanë...
    Lajme28 Mars 2024
    Kryeministri i vendit, Albin Kurti sot ka bërë homazhe te varrezat e anëtarëve të vrarë të familjeve Bogujevci, Duriqi dhe Llugaliu, në...

    FrontOnline, © 2024 Të gjitha të drejtat e rezervuara.