×
  • Lajme
  • Lajme

    ​Bogujevci nuk e pranon kërkim faljen e kryeministrit Hoti

    FrontOnline
    26 Nëntor 2020

    Deputetja e Lëvizjes Vetëvendosje, Saranda Bogujevci nuk e pranon kërkim faljen e kryeministrit Avdullah Hoti, lidhur me deklaratat e zëvendësit të tij për të pagjeturit. Bogujevci thotë se përderisa kreu i qeverisë vlerëson se deklaratat e Selmanajt janë shtrembëruar, nuk ka për çfarë të kërkojë falje.

    Deputetja e partisë së Albin Kurtit, në një intervistë për KosovaPress, thotë nëse ka një pikë dinjiteti zëvendëskryeministri Driton Selmanaj nuk do të duhej të shkonte në seancën e nesërme të Kuvendit.

    Bogujevci: Në momentin kur thua që fjalët e tij janë shtrembëruar nuk beson që e ka bërë atë gabim

    “Në momentin kur thua që fjalët e tij janë shtrembëruar, ti nuk po beson në fakt që e ka bërë atë gabim. Nuk e kuptoj për çka po kërkon falje. Unë e kam përmend tash e sa herë, nuk e kam problemin tek unë si Sarandë, pasi kërkim falja është dashtë me ardh qysh prej fillimi, qysh prej momentit kur është thënë se kjo temë është konsumuar dhe ezauruar. Qysh prej momentit kur kemi pasur vështirësi të kemi, qoftë zëvendëskryeministrin, qoftë kryeministrin në komision. Pas presioneve të shumta kanë mbërri me ardh. Kjo duhet të jetë kërkim falja për familjarët, për pjesën që i kanë prek me fjalët dhe me trajtimin e kësaj çështjeje. Nuk ka pse më kërkon falje mua, duhet t’i kërkojë falje atyre që janë lënduar gjatë këtyre ditëve. Kjo për mua është me rëndësi”, thotë ajo.

    Nëse Selamanaj nesër do të paraqitet në sallën e seancave plenare, deputetja Bogujevci nuk tregon se çfarë cilat veprime do t’i ndërmarrë Grupi Parlamentar i Lëvizjes Vetëvendosje, të cilët ditë më parë thanë se nuk e pranojnë të tretin e qeverisë në Kuvend.

    Bogujevci: Mendoj që nëse ka një pikë dinjiteti, ai nuk vjen në seancë

    “Mendoj që nëse ka një pikë dinjiteti, ai (Selmanaj) nuk e bënë atë (nuk merr pjesë në seancë). Në fakt deri më tani është dashur të jepte dorëheqje prej posti të cilin e mbanë. Prapë po e them jo pse ka të bëjë diçka me mua, apo subjektin tim, por për shkak të familjarëve dhe kërkesave të qytetarëve që i kanë pasur deri tani, shqetësimin e tyre në këtë drejtim. Tjetra është problematike fakti që ne jemi deputetë të Kuvendit dhe qoftë në seanca, apo në komisione, zyrtarë të qeverisë totalisht, ose të shpërfillin, ose përdorin gjuhë jo të mirë. Ne jemi në shtëpinë tonë, mendoj që Kuvendi duhet të respektohet dhe ai që dha deklarata të tilla të ketë së paku dinjitet…ta shohim si do të rrjedh koha gjatë seancës”, u shpreh Bogujevci.

    E për reagimet pas ngjarjeve të javës së kaluar për të pagjeturit, Bogujevci thotë se qëllimi ka qenë për të gjetur një zgjidhje të mirë për të pagjeturit, e jo vetëm sa për të folur.

    Ajo vlerëson se më mirë është që qeveria mos të përmend fare këtë temë në procesin e dialogut, sesa të vazhdojë atë në këtë formë siç po vepron.

    Bogujevci: Nuk e kemi pasur për qëllim të kemi një seancë veç sa për të folur për çështjen e të pagjeturve.

    “Nuk e kemi pasur për qëllim të kemi një seancë veç sa për të folur për çështjen e të pagjeturve. Kemi pasur një seancë për shkak se është shqetësuese mënyra si trajtohet çështja e të pagjeturve në dialog me Serbinë. Kjo ka qenë tema specifike, nuk po flasim për çështje të brendshme të Kosovës, por për çështjen e të pagjeturve se si trajtohet në dialog me Serbinë. Kjo është në dëmin tonë dhe kauzës nëse trajtohemi barabartë karshi Serbisë. E kam përmend tash e sa herë duhet të ketë persona ekspertë të kësaj fushe, duhet të ketë kërkesa konkrete, argumente konkrete karshi Serbisë për trajtimin e kësaj çështjeje. Sinqerisht është më mirë mos përmendet kjo temë hiç në këtë proces të dialogut sesa në formën që është bërë”, deklaron ajo.

    Javën e kaluar për temën e të pagjeturve pati tensione të mëdha në seancën e Kuvendit të Kosovës, ku deputetët ishin afër edhe një përleshjeje fizike.

    Ndërsa vet deputetja Saranda Bogujevci është e mbijetuara e masakrës së Podujevës nga forcat serbe në vitin 1999.

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.