105 pacientë të infektuar me COVID-19, janë duke u trajtuar në Spitalin e Pejës. Nga spitali njoftojnë që 74 pacientë janë në oksigjenoterapi dhe 18 të tjerë janë në gjendje më të rëndë shëndetësore.
Po ashtu në raportin 24 orësh nga spitali thuhet edhe se janë 8 pacientë të infektuar me COVID-19 janë shëruar.
“8 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. 105 pacientë janë duke u trajtuar aktualisht me Covid-19. Sa i përket gjendjes së pacientëve: 4 Pacientë janë në Respirator (CPAP), 74 pacientë janë në Oksigjeno terapi ndërsa nga këta 18 pacientë janë në gjendje më të rëndë”, thuhet në njoftimin e spitalit.
Përndryshe gjatë 24 orëve të fundit në Spitalin e Përgjithshëm në Pejë, 185 pacientë kanë marrë trajtim emergjent shëndetësorë, dhe nga këta 21 pacientë janë shtrirë për trajtim të mëtutjeshëm.