[wp-story]

Lajme

​SHKK mban takim unifikues me partnerët vendorë e ndërkombëtarë për harmonizimin e planit të trajnimeve

​SHKK mban takim unifikues me partnerët vendorë e ndërkombëtarë për harmonizimin e planit të trajnimeve
19:35 | 14 Shtator 2020

Shërbimi Korrektues i Kosovës ka organizuar sot një takim të përbashkët me bashkëpunëtorë INL, ICITAP, OSBE, EULEX dhe AKSP, me qëllim të harmonizimit të planit të trajnimeve për stafin e SHKK-së.

Drejtori i përgjithshëm i SHKK-së, Nehat Thaçi, falënderoi për mbështetjen të gjithë partnerët, duke theksuar se falë kësaj mbështetje dhe përkrahje, personeli i SHKK-së çdo ditë e më shumë po zhvillohet në ngritjen e kapaciteteve të veta.

Ambasadori i OSBE-së në Kosovë Jan Braathu nga ana e tij tha se misioni që ai drejton ka planifikuar një program ambicioz për mbështetjen e SHKK-së.

Drejtori i INL/ICITAP në Prishtinë Shawn Waddops tha se draftimi i Ligjit për SHKK-në është një lajm i mirë. Ai theksoi se ka parë një përparim në SHKK duke vënë në theks se trajnimet e kryera po zbatohen në praktikë.

Për më tepër, Waddops u zotua se do të përkrahë edhe më tutje avancimin e SHKK-së përmes trajnimeve dhe ofrimin e donacioneve. Ndërsa, përfaqësuesi nga EULEX-i Peter Naks përmendi trajnimet e realizuara nga ky mision dhe planin e trajnimeve për vitin e ardhshëm.

Ndryshe, SHKK në bashkëpunim me Ambasadën amerikane në Prishtinë, përmes programit INL/ICITAP, ka mundësuar që rreth 150 zyrtarë të ndjekin trajnimin në Qendrën Ndërkombëtare të Trajnimeve në Kolorado të SHBA-së.

Shërbimi Korrektues i Kosovës me bashkëpunime të tilla, synon reforma të vazhdueshme, me qëllimin e të qenit institucion profesional, kredibil dhe konkurrent me institucionet korrektuese të shteteve demokratike dhe moderne, të cilat aplikojnë vlerat më të larta të lirive dhe drejtave të njeriut.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera