×
  • Lajme
  • Lajme

    ​Rezervat e gjakut, përmirësohet gjendja por shqetësim mbetet sigurimi i grupeve negative

    FrontOnline
    23 Gusht 2020

    Pas thirrjeve të shumta për dhurim të gjakut nga ana e Qendrës Kombëtare për Transfuzion të Gjakut, tashmë gjendja e rezervave të gjakut është stabile, por kritike mbetet sigurimi i grupeve negative.

    Kështu ka deklaruar drejtoresha e Qendrës Kombëtare të Transfuzionit të Gjakut (QKTGJ), Bukurije Zhubi e cila për KosovaPress, thotë se pas disa aksioneve që kanë ndërmarrë është stabilizuar gjendja e gjakut në këtë qendër.

    Zhubi ka deklaruar se listës së kërkesave për produktet e gjakut iu janë shtuar edhe pacientët e infektuar me COVID-19.

    Zhubi: Ka një stabilizim të gjendjes së gjakut, por ende ka nevojë për dhurim

    “Ka një stabilizim të gjendjes së gjakut, është stabilizuar gjendja bukur mirë, por nëse nuk vazhdohet me dhurim të gjakut përsëri do biem në gjendje kritike. Është më se e kuptueshme gjendja me të cilën jemi si situatë sfiduese për të gjithë edhe për neve si Transfuzion i Gjakut, edhe për dhuruesit dhe çdo qytetar të Kosovës, por ne duhet t’i bashkojmë forcat dhe ta bëjmë atë që është më e mira dhe ta krijojmë mundësinë e vazhdimit të personave të tjerë që varen pikërisht nga gjaku… Krahas pacientëve të tjerë që marrim gjak dhe përbërës të gjakut po ashtu kanë marrë gjak edhe pacientët me COVID-19”, tha Zhubi.

    Drejtoresha e Qendrës Kombëtare të Transfuzionit të Gjakut thekson se nevoja për grupet negative të gjakut vazhdon të mbetet kritike.

    Zhubi: Grupet negative të gjakut i kemi në mungesë

    “Kërkesat e grupit 0 nga ana e pacientëve kanë qenë shumë të mëdha të cilët kanë marrë gjak dhe kjo ka shkaktuar një ulje të përkohshme të këtij grupi, zero pozitiv edhe pse ka qenë më i shpejt ka qenë me mangëti në këto dy javët e fundit, por sigurisht grupet negative janë ai problem kryesor të cilët e kanë të gjitha transfuzionet e gjakut në përgjithësi…Këto grupe janë në mungesë gjithmonë edhe tek ne ndihet pak mungesa e grupeve negative”, deklaroi Zhubi.

    Edhe në Njësinë Rajonale të Tranfuzionit të Gjakut të Prizren thonë se aktualisht gjendja e rezervat të gjakut është stabile.

    Shefi i këtij shërbimi, Shasivar Sallahu thotë se për shkak të pandemisë ka rënë numri i dhuruesve të gjakut.

    Sallahu: Rezervat në përgjithësi janë të mjaftueshme

    “Rezervat në përgjithësi janë të mjaftueshme për të siguruar trajtimin e pacientëve që trajtohen në Spitalin Rajonal të Prizrenit. Por në mënyrë të vazhdueshme apelojmë tek të gjithë ata që gëzojnë shëndet të mirë që së paku dy herë në vit të dhurojnë gjak në mënyrë që ne të mos kemi probleme rreth sigurimit të dozave të mjaftueshme për trajtimin e të gjithë pacientëve që kanë nevojë për këtë produkt më se të rëndësishëm… Në këto rrethana të pandemisë ka ndikuar që numri i dhuruesve qoftë familjar apo vullnetar për arsye të shumta ka rënë, kështu që ne ballafaqohemi me mungesë të mjaftueshme por gjithsesi nuk ka ndodhur që pacientët që ndodhen në repartet tona të pësojnë për shkak të produkteve të gjakut”, theksoi ai.

    Kujtojmë se që nga përhapja e koronavirusit në Kosovës vazhdimisht është bërë thirrje për dhurim të gjakut pasi shpesh rezervat e gjakut në Qendrën Kombëtare të Transfuzionit të Gjakut kanë qenë të ulëta.

    Është koha të shijojmë çokollatën më të mirë..
    Nga Rubrika
    Lajme09 Shtator 2024
    Deputeti i Kuvendit të Kosovës, Fatmir Humolli, u pyet në Pressing në T7 nëse do të  merrte pjesë në përurimin në Podujevë...
    Lajme09 Shtator 2024
    Ministri i Infrastrukturës, Liburn Aliu, ka njoftuar se është takuar sot me Zëvendëskryeministrin dhe Kryediplomatin e Malit të Zi, Ervin Ibrahimovic. Aliu...
    Lajme09 Shtator 2024
    Nënkryetarja e komunës së Prishtinës, Jehona Lushaku – Sadriu, ka thënë se mësimi tërëditor në disa shkolla të kryeqytetit është duke pasur...
    Të tjera
    Sport09 Shtator 2024
    Kosova ka arritur të shënojë edhe golin e katërt ndaj Qipros, në kuadër të Ligës së Kombeve. Ishte Lumbardh Dellovan që realizoi...
    Sport09 Shtator 2024
    Kosova ka shënuar golin e tretë ndaj Qipros, në kuadër të Ligës së Kombeve. Ishte Albion Rrahmani që realizoi në minutën e...
    Lajme09 Shtator 2024
    Shefi i grupit parlamentar të Lidhjes Demokratike të Kosovës Arben Gashi, ka thënë se nëse partia që ai përfaqëson i fiton zgjedhjet,...
    Lajme09 Shtator 2024
    Njohësi i çështjeve politike, Fidan Ukaj ka deklaruar për Front Online se presidentja dhe kryeministri i vendit e kanë krisur bashkëpunimin për...
    Lajme09 Shtator 2024
    Zëvendëskryeministri i Serbisë, Aleksandar Vulin, u takua më 9 shtator në Moskë me sekretarin e Këshillit të Sigurisë të Federatës Ruse, Sergei...
    Sport09 Shtator 2024
    Ka përfunduar pjesa e parë e ndeshjes Qipro - Kosovë, në kuadër të Ligës së Kombeve. Kosova ka shkuar në pushim me...

    FrontOnline, © 2024 Të gjitha të drejtat e rezervuara.