Pandemia e COVID rëndom në gjithë botën po shoqërohet me fenomenin e vetëvrasjeve.
Mediat italianë publikojnë se që nga muaji mars në gjithë vendin janë regjistruar 71 raste kur të prekur nga COVID i kanë dhënë fund jetës duke u vetëvrarë. Fenomeni ka prekur edhe mjekët të cilët dinë se si të sillen me sëmundje, por mjeku i klubit francez të futbollit Reims, i dha fund jetës në prill pasi u zbulua se ishte infektuar.
Në një studim të publikuar në Gazetën Britanike të Psikiatrisë tregohet se mendimet vetëvrasëse u rritën te të rinjtë në Mbretërinë e Bashkuar gjatë periudhës mars-maj.
Studimi zbuloi se përqindja e të anketuarve që raportuan se të paktën një ditë në javën e kaluar ata kishin dashur t’i jepnin fund jetës së tyre u rrit nga 8.2% në 9.2% dhe më pas në 9.8%, në tre valët e studimit.
Faktet në Britani treguan se fenomeni është shtuar kur u raportua se një infermiere e re vrau veten gjatë turnit të saj në një spital britanik. Pak ditë më vonë edhe një pacient 37-vjeçar britanik i shtruar prej 5 ditëve në spital, vrau veten. Tre mjekë rus janë vetëvrarë duke u hedhur nga dritarja e spitalit pasi rezultuan pozitiv me COVID-19, si pasojë e stresit emocional dhe frikës nga pasojat e infektimit.
Numri i vetëvrasjeve në Japoni është rritur në tetor për muajin e katërt rresht. Ky është numri më i lartë i 5 vjetëve të fundit.
Nga të dhënat paraprake numri i vetëvrasjeve në tetor ishte 2153 ose 300 më shumë se muaji paraardhës.
Ndër shkaqet kryesore mendohet të jenë pasojat e krijuara nga pandemia e COVID-19.
Masat e marra nga qeveria turke në pengimin e përhapjes së pandemisë kanë dhënë efekte negative ne ekonomi. Pothuajse 100 muzikantë kanë kryer vetëvrasje që nga fillimi i pandemisë në Turqi. Ndërsa në Ukrainë ka pasur 4 raste vetëvrasjesh ne spitale./Tch
